عشاق من احفاد الشيطان ... روايه رومنسيه ... خياليه الجزء العاشر

ا

لفصل العاشر

شموخ هدى استفراغها شوي بعدت عن ريان بقوه وراحت للحمام وقفلته عليها اكثر من قفله .. لا ماكانت خايفه كانت تهرب بالمها بعيد عن اقسى خلق الله بالارض ...تكرهه ..

اسندت جسمها على الباب بتعب ...و ...

رجع بطنها يالمها تحس ان انفاسها تتقطع وكانها بتوقف
.. شهقت تبغى تستفرغ الدم ...

ريان هنا جد انهبل وهو يسمع شهقاتها : شموخ افتحي الباب شيموو بينك تكفين افتحيه ..

شموخ طاح راسها بقوه على الارض وطلع صوت طيحه قويه

دف ريان الباب اكثر من دفه جسمها الثقيل يمنعه ينفح او يندف .. لكن ريان مايائس دف الباب بكل قوتك وهو يسمع صرخاتها .. انفتح الباب او بالاصح انكسر القفل ..دخل ريان وهو يدف الباب بشويش علشان مايئذي جسمها : شموخ ..

شموخ هذا اخر شي شافته بعدها غمضت عيونها

ريان جلس على ركبته عندها وهو يبعد شعرها عن وجهها بهدوء : شموخ اسف حبيبتي .. شموخ سوري – قرب عند اذنها وهمس – شموخ تسمعيني ...

شموخ كانت متكوره على نفسها وماسكه بطنها والدم ينزل من فمها وماهي بداريه عن الدنيا ..

ريان رفعها وهو يلعن نفسه مليون مره غبي كان بيضيعها مثل ماضيع مروج ...

ام ريان سمعت صراخ الشغالات لفت شافت ريان رافع شموخ ويركض فيها لعند السيارات ..

ام ريان: ريان وين رايح .. ليه رافع شموخ كذا ..

ريان ماسمع لها لبسها العبائيه وعلى اقرب مستشفى...

بعد الاجراءت الممله طلع له الدكتور ..

الدكتور :انت زوجها ..؟

ريان بارتباك: امم لا اخوها...

الدكتور : هي وين زوجها ..- قبل لاينطق ريان قاطعه الدكتور – هي معها نزيف حاد . – بصيغة سوال - .هي حامل ...؟

ريان بسرعه : لااا هي بنت

الدكتور: آآها فهمت لكن معها نزيف حاد جدا ... تعرت لضرب وحشي انا بلغت الشرطه وهم على وصول

ريان بفزع : الشرطه ليه..؟

الدكتور بشمئزاز : ليه ..؟ تسال ليه وينكم انتم اهلها ومن اللي ضربها بهذي الوحشيه ..؟

ريان بلع ريقه: يعني وش فيها بالضبط ..؟

الدكتور : قبل لاقولك عندي سوال ..؟ هي مريضه بمرض معين ..؟

ريان : لااا مافيها مرض بالعكس صحتها كويسه لكن قبل اسبوع كان معها فلونزا بسيطه ..

الدكتور: امم هي عندها اخت توم ..او اخ ..

ريان حس ان اسالة الدكتور تخنقه لكن شكله مو قادر يشخص اللي فيها .: ايوه كان و – بتردد – ماتت

الدكتور تنفس بقوه وكانه حصل حل اللغز : من متى .؟

ريان : من خمس او اربع سنوات

الدكتور : عرفت هاللحين .. ياخ الاسم الكرريم

ريان ونفسه يذبح الدكتور البارد ..مايدري ليه كذب لكن ماحب يقول اسمه الحقيقي: سامي ..

الدكتور : ياخ سامي بما انها كانت توم واختها ماتت فنسبة اصابتها بالامراض كبيره يكون عندها ضعف بجهاز المناعه لان اغلب التوام اذا فقدوا نصفهم الثاني يكون معهم اكتئاب مزمن ويرفضون الحياه فبحالات كثير مايطولون بعد وفاة اخوهم الا سنتين بالكثير – ابتسم – لكن الواضح ان ام عيون رماديه قويه وحابه تعيش ..

ريان مسك ايده لابكس الدكتور الغبي يتغزل فيها قدامه ..لكن الكلام اللي سمعه عن نقص المناعه ونسبت وفاة شموخ باقل الامراض 50 % حس بضيقه بصدره
شغل سيجاره بتوتر ..

الدكتور قال قبل لايمشي : تقدر تشوفها لو تحب ..

جلس ريان على الكراسي وماعنده اي شجاعه يدخل يشوفها رجعت ذاكرته لايام قديمه قبل اربع سنوات تقريبا ..ايام ولت ونقضت لكن اثرها دمر مشاعر انسانيه ..

{.{ مروج طاحت السماعه من ايدها وفتحت فمها : ريااااااان

ريان بعصبيه : من هذا حمد من ..؟ من تحاكين ..؟

مروج ارتبكت وخربطت الارقام بالتلفون وسكرته

ركض ريان لتلفون وسحبه منها وهي مصره تخربطه ..صرخ فيها : مررررررروج من هذا ..؟

مروج بخوف : والله مو احد مو احد

ريان شاك تصرفاتها وبالذات لما نتقلت لهذي المدرسه الجديده شموخ كانت واثقه من نفسها لانها كانت ببساطه مراهقه محترمه اما مروج كانت على اسمها ماتحب تظل عاديه مع انها اهدء من شموخ بكثير لكن ماتحب القيود ..وشموخ كاااانت اقرب للقلب : مروج والله والله اذا عرفت انك كنتي تحاكي واحد ...اقسم اني مراح اسكت

كان يصرخ بوجهها وهو مراهق يعني بالثانويه وقريب يدخل للجامعه : شمعتتتتتتتتي

شموخ نزلت تركض : موجه ريون ليه تصارخون

ريان: بينك بسالك مروج مع من تجلس بالمدرسه

شموخ ارتبكت: عادي مع بنات ..

ريان كانت شموخ دلوعته ولها معامله خاصه بعكس مروج اللي كان سامي يعاملها هو معامله خاصه .. مقسمين اعمارهم لفرق حرررررركات مراهقين : بينك حبيبتي قولي لي ..

شموخ : والله ريان عادي حتى اانهم بنات قبايل ..

ريان سكت مع انه شاك ...

مروج ابتسمت بتوتر : سمعت مافي شي انا بنام

ركضت بجسمها الضعيف والصغير لفوق ..

....**.**

ريان رجع للواقع وهو يناظر الناس بالمستشفى كانوا قليل لان الجبيل بطبيعتها سكانها قليل ..

ضغط على راسه (( ياليتني ماصدقت يا شموخ .. ياليتني كسرت راسها بهذي اللحضه ))

رجعت الذكريات مره ثانيه تمر قدام عيونه وكانها امس

{.{ ام ريان : لا ياريان انا متاكده اني مسكره كل الابواب ..

ريان : لكن انا سمعت صوت ..

شموخ : حتى انا ..؟!!

ريان: انا بطلع اشوف ..

شموخ : حتى انا بروح معك ...وناسه اكشن

ريان: اقول امشي بس اخلصي ..هههه

شموخ بحماس : ريون تخيل حرمي ومعه رشاش

ريان : تدرين وش بسوي اذا فيه حرامي

شموخ بفضول : وش بتسوي

ريان مسكها وقدمها قدامه : بقوله خذ بينك مابغاها بس اتركني اروح

شموخ شهقت وغرقة عيونها الوساع وكانت ملامحها مو بهالنضوج والجاذبيه اللي هاللحين بتخليه يقتلني

ريان بجديه : ايوه وش نبغى بدلوعه مثلك

شموخ ضربت برجلها الارض: لااااا ريووون لاتخليه ياخذني ...

ريان كانت اخته المدلله : خلاص اجلسي هنا

شموخ سبقته لبره: ها هاها ها ها ها بالمشمش

ريان طلع ومشوا لعند المسبح يشيكون عليه وين الصوت ماشافوا احد حتى بالملحق
شموخ رفعت كتوفها : مافي احد ..؟

ريان : غريبه مادري من وين كان الصوت شكلك ماعجبتي الحرامي

شموخ بلعت ريقها : مراح اخاف

ريان: هههههههه وااضح

وهم ماشين بيدخلوا سمعوا صوت الباب الصغير عند المدخل ينفتح ودخلت مروج بالظلام وهي تتسحب وتودع احد ...

شموخ شهقت : مروج ..؟

مروج لفت عليهم والصدمه على وجهها ..
.
تصورتوا بنت بثالث متوسط عمرها 15 سنه داخله بهالطريقه لبيتهم

ريان كان اكثر من صدمتها .. لفت عليه شموخ خائيفه وش بيسووي ..
غمض عيونه بقوه وعد بصوت عالي للعشره وكانه يعطي مروج فرصه تهرب ...او يضبط اعصابه : مرررررررررررررررررررررروج

مروج من الخوف بكت بسرعه ..

ريان ركض لعندها وشدها من شعرها : وين كنتي يا حماره ..؟ ها

مروج وهي ترتعش : شموخ شموخ

شموخ ركضت لعندهم ومسكت ريان: لا ريان انت فاهم اكيد غلط ..

ريان جرها من شعرها لحد ماطاحت على الارض وصار يسحبها : ياحقيره انا اللي بربيك ..

شموخ طاحت على الارض تصرخ وتبكي : ماما ... بابا ..

مروج كانت تحاول تحكي لكنها تشهق وتبكي ماتوقعت انها بتنكشف كذا

ريان جرها وقفها عند الجدار وصار يضرب ويضرب براسها الجدار وهو يصرخ فيها : ياحقير ياخاينه كنت عارف ان وراك بلاء ... والله لارميك جثه هنا

مروج الصغيره بجسمها لكن كبيره بتفكيرها صرخت : ريان ماما مااما شموخ ... ريان الله يخليك اتركني آآآآآآآآآآآآآه

ضرب ريان براسها الجدار لحد ماشاف الدم على الجدار وهي بدت تفقد الوعي لكنه مستمر بضربها ويخنقها برقبتها

ام ريان وسامي ركضوا يسحبونها منه لكن ريان ضربها بكل قوته على الجدار وهو يسمع صوت اشياء تتكسر فيها .. وكانت هذي اخر ضربه ضربها فيها لان سامي سحبه بقوه ...طاحت جثه على الارض ..

شموخ كانت تتالم اكثر من مروج وتصرخ مع صرخاتها **.**

: لو سمحت ..

ريان رفع راسه : هلا ...

الشرطي : لو سمحت انت ولي امر المريضه شموخ ..

ريان ناظر بالشرطه بثقه : ايوه خير ايش فيه ...

الشرطي : تفضل معنا لو سمحت في كلام يخص المريضه ..

ريان: اوكيه ..

*************************************

عشاق من احفاد الشيطان ... روايه رومنسيه ... خياليه
*****************************************

رياض وقف عند بيت عمه وهو قرفان نفسه وش هالحي هذا اللي عايشين فيه حتى اليساره يادون ثنتين يوقفون ...

بو رياض : يله يارياض دق الجرس

رياض حس بتردد وانه دخل نفسه بوطه : يبه ينفع نرجع لرياض وبلاش هالزواج هذا

بو رياض رفع حاجبه ناظره : مانت برجال اذا رجعت بكلمتك ..

رياض دق الجرس ...

فتح نواف وعلى وجهه ابتسامة ترحيب : هلا والله عمي هلا رياض

رياض ناظر بالبيت بغرور ويتمنى انه ماتفلسف اكيد هذي الوعود شينه مثل هالبيت .....(( والله انت اللي بلشت نفسك تحمل يا رياض ))

بو رياض: الله يحيك يا نواف ..

بو نواف جاء وقف عند الباب: هلا وغلا باخوي فهد حياك اقلط ..

بو رياض مبسوط : الله يحيك ..؟

دخلوهم للمجلس المتواضع مره جلسه على الارض اثاث قديم لكن نظيف ريحة البخور ماليه المكان ...

جلس رياض بدون ولا كلمه كان قفان حده نفسه يرفع ثوبه ويهرب من البيت ..(( سوفاج سوفاج .. هذا وقت سوفاج حقتك يا سجى ...آآه ياسجوي قلتيلي ماصدقت ))

بو رياض: رياض رياض

رياض ناظر ابوه : سم يبه

بو رياض ياشر على نواف : خذ القهوه من ولد عمك

رياض كان بيقول لا مشكور بطلت اشرب حرمت اشرب لكنه اخذ الفنجان لان فيها قبايل مثل مايقولوا ...: شكرا

بو نواف: هلا باخوي تو مانور المكان ...

بو رياض كان مررتاح : منور باهله

رياض ماقدر يشرب القهوه مو على كيفه غصب عنه طول حياته متعود على القصور والفلل حتى الشقق ماقد جربها لا وهو دلوع جده وامه يعني ماقد زار بيت عمه حمد ...

.................................................. ........

وعود مسكت الدفتر ترتجف التقارير طلعت حلوه وماناقص الا توقيعها وتصير حليله لرياض اللي حتى شكله ماتعرفه ..

هواجس: يلللللللله كيمياء هي

وعود وقعت وتحس الموضوع مايعنيها وان كل هذا حلم وبتصحى منه وهي باحضان يعقوب ..

نور وندى وهواجس : لوووووووولللللللل

ام نواف : الف الصلاة والسلام عليك يارسول الله محمد

نواف : اوووش اوش فشلتونا صوتكم عند الرجال

ملاك : مسوي نفسك رجال ..

نواف : انتي يالغاغا اسكتي

ام هواجس : بسرعه خذ الدفتر وده لابوك

............................................

رياض ارتاح شوي توقع الدفتر يعني صارت له وبيذلها وبيعلمها من هو ترده لاااا وساكنه ببيت مثل كذا ترفضني

بو نواف: مبروك يا رياض

رياض ببرود : الله يبارك فيك ..

بو رياض يسلم على اخوه بحراره : على البركه ياخوي

بو نواف: الله يبارك فيك ...

دخلت الجده رياض ناظرها بفزع من هذي اللي داخله بالبرقع لايكون وعود .. لا جد رحت فيها يارياض ..

بو رياض وقف: هلا والله يمه ..

رياض(( يمه .. الحمد لله يعني هذي جدتي اللي تكره امي )) ارتاح على الاقل مو عيونها صغااااار كذا ..

الجده : من فهد الله لايسلم بك مغز ابره قل امين

رياض تاكد من حكي امه انها تكرهم ...

بو رياض : ليه يمه

الجده: ها وش تقول عل صوتك صر رجال والا مويض نستك تسمع بعد

رياض بانفعال : لو سمحتي لاتحكين عن امي بهالطريقه

الجده : وش مطرقته هاللحين .. ومن ذا اللي يحكي ..

نواف صرخ باذنها : يمه سعديه هذا رياض زوج وعوووود

الجده : رياض رجل وعود اجل وين راح يعقوب ..

بو نواف باحراج : يمه ارتاحي الله يهديك

رياض تذكر انها انت لولد عمه الثاني يعقوب يشوفه احيانا لكن مابينهم الا سلام حتى لو مشى بالشارع لوحده بدون عزومه ماعرفه ...

................................

البنات وهم يتسمعون

هواجس: ووووع شكله شايف نفسه

نور: صح شوفي كيف حكى مع الجده ...

ندى شافت الخوف بعيون اختها : لاااا يمكن مرتبك مثل اللي عندنا

وعود بهدوء كانت تحس انها عادي كل شي عندها عادي لامبسوطه ولا زعلانه ....

هواجس بتريقه : عاد بيوم ملكتي ابغاكم تصورون العريس وهو يوقع ههههههههه

ندى: بو ماهر ها خخخخخ

هواجس: والله لاستهبل واوسع صدري دام الفاس طاحت بالراس

وعود بضيقه لانها بتفارق هواجس اذا تزوجت هواجس حبيبتها وبئير اسرارها : صحيح بكره ملكتك وبعده السفر من غير زواج

هواجس بلامبالاه : ايوه لان العريس مايقدر على الطقطقه يخاف يموت هههههههه

البنات ناظروها دمها بارررد حسدوها على برودها ..ومادروا كيف تحترق من جوا ..

.....................................

بو رياض : ها نشوف العروسه ..

بو نواف : كيف ..؟

رياض : عمي ابشوف زوجتي

نواف بسرعه وببلاهه : وعود مو راضيه قالت مافي شوفه الا بيوم الخطوبه ...

بو نواف وده يذبح ولده : لااا مو كذا البنت تستحي وماهي بمستعده

الجده تصرخ : وش له يشوفها .. لاخذتها بيتك شوفها مثل ماتبي ...

ريا ض حس انه خكري بالمره بالنسبه للهمج اللي قباله .. لا والاخت العروسه بعد تتثيقل وماتبغى تشوفني لكن انا لك يا وعود تدلعي هاللحين مثل ماتبغي ..

..................

هواجس ضربتها على كتفها : انتي وجهك وليه ماتطلعي له ..

وعود بهمس : شايفه عندي قطعه او مملابس اقدر اطلع فيهم كلهم بلوزتين الزمن لعب فيهم ...

نور بحماس: هانت كلها كم شهر وتعيشي بطرانه بالرياض ...

ندى : برررررررتاح منها ومن مقابل وجهها ....

وعود تضمها وتبوسها : بس انا بفتقدك يالغاليه

ندى : آآآآف تتلزق ..

وعود و نور و هواجس: ههههههههه

*************************************
عشاق من احفاد الشيطان ... روايه رومنسيه ... خياليه
*****************************************

سامي : انت غبي والله انك مجنون لاتضن انك ضيعت مروج باتركك تضيع شموخ ....

ريان ابعد ايد سامي عن كتفه وهو متنرفز : قهررررتني ..

سامي : ريان انت كيف تفكر ..؟ها ..؟ ايش القسوه اللي انت فيها ..

ريان: اقول بلا كلام كثير وادخل تكلم مع هذي المجنونه وقلها تتنازل وبلا فضايح ..

سامي: هههه بينك ومعنده اجل احلم تتنازل لك ...

سبب الفجوه البيره بين علاقة سامي وريان نفس الحكايه القديمه عن مروج ...

.............

شموخ جالسه بالغرفه البيضاء وهي تحس براحه الالم راح تقريبا وجسمها استرخى لكن في شي يشتعل بقلبها ماهي قادره تسكت له على اللي عمله

ام ريان : ماما حبيبتي .. شموخ

شموخ : ايوه ماما ايش فيه مايكفي اللي عمله ولدك

ام ريان برجاء: ماما انتي هذا اخوك ومالك غيره وماله غيرك تنازلي عنه عند الشرطه

شموخ بعناد: لااااا

ام ريان : ليه وانا امك تبغي تحرقي قلبي

شموخ : ماما هذا موضوع منتهين منه سمعتي ومستحيل اتنازل الا اذا باس ايدي وقالي انا اسف يا عمتي شموخ

ام ريان : وش هالحكي انتم م

شموخ قاطعتها وهي ترفع المرايه اللي بجنبها وتتامل بشرتها وجهها اهم شي ماصار لهم شي : لااااا اذا باس ايدي ورجلي قلت لضابط اني متنازله ..

ام ريان عارفه عناد شموخ بنتها اللي مربيتها صحيح انها ماشربت من حليبها ولا رضعتها لكنها تغلاها اكثر من نجلاء بنتها : حبيبتي انتي علشان خاطري ..

شموخ ترتب حواجبها بايدها وتناظر بالمرايه المحفور عليها ماركة" ايف سان لوران ": ماما لاتعبي نفسك مستحيل اتنزل ..

ام شموخ وقفت بعجز : من وين طلعت لنا هالمصيبه ياربي ...

شموخ لما شافت امها بتطلع : ماما

لفت امها متفائله : بتتنازلي

شموخ حطت المرايه على الطاوله : آآآف قلتلك لا .. اسمعي ماما قولي لهم يبدلوا لي هالغرفه العفنه هذي ...

ام ريان : اصلا بننقلك لمستشفى اسطون ..

شموخ باشمئزاز : اسطوون لا ماما تكفين وش اسطونه ولو وحده من البنات صحباتي جئت بتزورني وش اقولها اسطووون ..

ام ريان توها بتحكي..

شموخ : ماما تخيلي وحده من صحباتك الموجهات جئت تشوفني باسطون والله مو حلوه بحقك

ام ريان نست ريان وهمها وفكرت انها لازم تاخذ سويت فخم بمستشفى سعد التخصصي لان شموخ بتجلس كم يوم على كلام الدكتور ..: اي والله وانتي صادقه والله فشله ..

شموخ رجعت تمددت : ماما بليز بسرعه طلعيني من المقبره اللي هنا ..

طلعت ام ريان وشافت سامي وريان مع الضابط يتفاهمون ...

ريان سكت لكن ناظر امه وكانه عرف الجواب ...

سامي: ها وش قالت

ام ريان: ريان تعال ابغاك ..

ريان وقف عند امه: هلا يمه وش بغيتي ..؟

ام ريان : هذا وانا مامنتك عليها وقايله لك انها يتيمه وامانه برقبتنا

ريان بطفش وهو يدخن السيجاره اللسابعه من دخل للمستشفى : يوووه يمه خلاص درينا

ام ريان : هي وافقت تتنازل بس بشرط

ريان : لاااا وش شروطها الانسه

ام ريان: تقول تبوس ايدها وتقول لها اسف عمتي شموخ

ريان بانفعال وصوت سمعه كل الموجودين بالممر : نعــــــــــــــــــــــــــــم ..

سامي لف عليهم مثل كل الموجودين : امي ... ريان ....ايش فيه ؟!

ريان رمى السيجاره بقوه وداسها برجله : هذي انهبلت عطيتها وجه بزياده ..

سامي بين اسنانه: ريان لاتفضحنا خلاااص ..وط صوتك ..

ريان بين اسنانه : انسه مشاكل تقول ابوس ايدها واعتذر لها ثمن تتنازل ..

سامي : اعتذر لها وفكنا ..

ريان : جاءك الثاني ..

تركهم ومشى لعند الشرطي : واللي يرحم والديك خذني من هنا لا قتلهم ..

طلع الشرطي ومعه ريان ..

[*************************************

عشاق من احفاد الشيطان ... روايه رومنسيه ... خياليه
*****************************************

ريماس : نجلاء اذا مانتي خايفه ..على نفسك وسمعتك انا خايفه على سمعت اختي

نجلاء: كذابه هذي الممرضه كذابه مع وجهها ..

ريماس: اجل وش تفسري تصرفاتك كل المستشفى شايفه من اسبوع وانتي دوم عنده تجلس بساعه والساعتين ..

نجلاء مقهوره قالوا عليها كلام تستحي تفكر فيه : يعني انتي مصدقتها ..

ريماس : ايوه وليه ماصدقهم وانتي ماعددنا نعجبك وتجلسي معنا

نجلاء رفعت السماعه معصبه : حتى انتي ياريماس ماهقيتها منك يالبايخه ..

ريماس بهدوء : : نجلااااء .. تكفين انا خالتك واخاف عليك قولي لي الكلام اللي سمعته صحيح

نجلاء انقهرت وراحت بسرعه عن خالتها مستحيل خالتها الصديقه الصدوقه حبيبتها تصدق هالكلام – كان في همس بس مرت سكتوا - تاكدت ان الحكي عليها آآآه اذا خالتي اللي خالتتي صدقت كيف بلومكم ..

سالت ممرضه : مريم مريم ..

مريض بنظرو احتقار : نعم خييير

نجلاء غرقة عيونها من المعامله والنظرات القاسيه هي مظلومه : ماشفتي دكتوره مروه

مريم بنفس الاحتقار : لااااا

نجلاء بضعف ابتسمت : شكرا ...

مشت مرفوعة الراس قد ماتقدر اصعب شي ان حد يتكلم عنك بشرفك وسمعتك

مشعل ابتسم وعرف ان هذا الوقت المناسب : نجلاء نجلاء ..

نجلاء لفت عليه (( ناقصتك انت بعد اكيد هاللحين شمتان )): هلا دكتور مشعل

مشعل ابتسم: ماقلنا بلاها هذي الدكتور ..

نجلاء (( غريبه شكله ماسمع عن الاخبار الحلوه وماوصلته الاشاعه والا كان هاللحين يحتقرني ))

مشعل وهو يشوفها سرحانه وعيوونها مغرقه حس انه نجح وجاءت الضربه بالمرمه مثل مايقولوا

مشعل بحنان : نجلاء ولا يهمك الحكي الكثير انتي انظف من كذا

ناظرته نجلاء مصدومه وحست انها تبغى تحكي مع احد آآه بس لو تقدر تدخل عند احمد وتفضفض له بس هو مريض ومايستحمل صدمات اكثر ..: يعني انت ماصدقتهم ..؟

مشعل : اكيد ومستحيل اصدق عليك اي شي .. نجلاء انا جالس معك واثق باخلاقك

نجلاء الدمعه على هدبها ودها تبكي من احساس الظلم قالت بقهر وهي ترجف: اللي قاهرني انهم ماحكوا عن نزاهتي الطبيه او عن اي شي ثاني سخيف – اشرت على نفسها بقهر – حكوا عن سمعتي شرفي عن اسم بابا ..

مشعل تعاطف معها وكان ماله شغل بالموضوع حس انه جرحها كثير واللي سواه بير هو متعود على هذي الاساليب لكن نجلاء غير نجلاء حاله خاصه ..
ماتحب تختلط بالرجال علاقتها معهم عمليه كثير وهو هاللين بكل غرور حطمها هز من ثقتها بنفسها ..

نجلاء تكمل بنفس القهر : والله ظلم وقهر انا نجلاء فارس الخيال يظلموني كذا يشككوا باخلاقي .. - مسكت ايده بعفويه - والله يامشعل انا مو مثل حكيهم ..

مشعل حس برعشه قويه من مسكت ايدها ارتبك : معليك يانجلاء طنشي وكل شي بينان ان شاء الله

ريماس شافت نجلاء ماسكه ايد مشعل حست بالخيانه والحقاره والكره لنجلاء هي ماكانت مصدقه حكيهم عنها بس قالت لها اللي قالت علشان تترك احمد لكن انها تحاول تلعب على مشعل وهي عارفه انها تحبه هذا اللي قهرها ..
وقفت عندهم وهي تهز : الله الله يا دكتوره نجلاء وش هالغراميات

لفوا عليها .. نجلاء انتبهت انها كانت ماسكه ايد مشعل سحبتها بسرعه وعرفت تفكير ريماس لوين اخذها :ريمااس

مشعل بجديه : اهلا دكتوره ري

قاطعته ريماس وهي تحتقر نجلاء : والله ان اختي ماعرفت تربي يا نجيل .. لااا ومو هامك الحكي اللي انتشر عنك جائيه تكحليها مع هذا ..؟

مشعل عصب : دكتوره ريماس ايش هذا لو سمحتي احترمي نفسك شوي ..

ريماس كانت مقفله معها : اووه سوري دكتور مشعل غلطت على حبيبت القلب – ضربت نجلاء على كتفها بقهر – عليك بالعافيه – كملت بنعومه وهي ترمش بعيونها – دكتوره نجلاء ...

نجلاء كانت ساكته مالها وجه تحكي مع ريماس هي كانت تبعد عن مشعل وماتختلط معه هو بالذات مع انه حبوب علشانها : عن اذنك ..

مشعل وقفها : نجلاء لاتضايقي نفسك كذا ..

نجلاء: لا عادي مشعل ممكن تسمح لي ارجع للبيت ...

مشعل ابتسم بحنان وعذوبه : اكيد

نجلاء تحس ان لمشعل اسلوب حلو يجذب فيه اللي حوله : مشكوره والله مشكوره

مشعل : ولو العفو ..

مشت نجلاء ..
وقفها الممرض الفلبيني قال لها كلام ماقدر يسمعه مشعل ..وجه نجلاء تغير لالوان

مشعل : ايش فيه ..؟

نجلاء بخوف : الدكتور بو مشعل اقصد ابوك طالبني بمكتبه ..

مشعل عقد حواجبه ابوه هذا اللي ماحسب حسابه : غريبه وش يبي ..؟

نجلاء : هذا انا بروح واشوف ..

مشعل : يله بطلع معك

نجلاء بهدوء: لا ااا مايحتاج ماني بزر وانا واثقه من نفسي ..

تركته وراحت مشعل عض شفايفه ندمان على تفلسفه ..

نجلاء قلبها يدق بقوه وقفت عند باب الغرفه قبل لاتدق الباب اخذت نفس (( لاتنصدمي باي شي يا نجلاء حتى لو طردوك بس ابغى اثبت براءتي من هالكذب يالله كاني متهمه ))
بشجاعه دقت الباب ودخلت بعد ماسمعت صوت بو مشعل : تفضل ...

مشت بخطوات ثقيله بداخل المكتب الواسع

بو مشعل عقد حواجبه : نعم ..؟

نجلاء بلعت رريقها مشعل ماخذ من ملامح ابوه الكثير : انا دكتوره نجلاء من قسم القلب وال

بو مشعل قاطعها : آآها انتي نجلاء ..

نجلاء مسكت قلبها من الخوف طريقته وهو يقول نجلاء ماتبشر بالخير : ايوه

بو مشعل ترك اللي بيده : تفضلي ارتاحي دكتوره نجلاء والا حابه اقولك نجلاء كذا

نجلاء استهزاءه ماريحها : براحتك

جلست وعلى طرف الكرسي ...

بو مشعل : يانجلاء انا سمعت عنك وعن المريض احمد وانا المستشف قالبينها والا بلاش اقول احسن

نجلاء بقوه مصطنعه : كل الحكي كذب وانا انظف من اللي يقولوه

كانت تبغى تضحك وكانها سمعت هالجمل بمسلسل مصري ... كانت تشوفه حكي عادي وفاضي وممل لكن هاللحين حست بقسوته عليها ...

وقف بو مشعل ومشى للكرسي اللي قبالها وجلس وهي بتذوب من الرعب .. قال بخبث وهو يناظرها : شكلنا راح نتفق يا نجلاء

ناظرت فيه للحضات مبلمه مافهمت شيقصد لكن ولثواني قصيرره ستوعب : ايش قصدك ..؟

بو مشعل : بصراحه يا دكتوره نجلاء ماتصورت ان عندي بالمستشفى دكتوره بجمالك .... لا واللي مزينك اكثر جراءتك .. عجبني للي سمعته عنك و

نجلاء ماسمعت الباقي وقفت وكانها لامسه الكهرباء وبيدها مويه : احترم نفسك ..

بو مشعل وكانه متوقع هالحركه : هههه لاتخافي انا عندي فيلا مرتبه على البحر اعطيك اجازه ونقضي فيها كم يوم وابشري بالمكان السنع بقسمك

نجلاء (( حقير .. نذل ...قذر.. حيوان .. منحط .. الخ )) كل قاموس الالفاظ القذره.. قالته بداخلها وهي تسمع جراءته : لا مشكور

طلعت من المكتب تركض ودموعها نزلت على خدها من القهر

مشعل ناظرها وانحرج من دموعها : ايش صار

نجلاء ناظرته بحقد وبعدت عنه ...

مشعل : ايش صار .. يالله شكلها متضايقه يا حياتي يا نجلاء ضايقتك ...

دق الباب على ابوه : يبه ايش فيه وش صاير ..؟

..............

نجلاء ركبت السياره حاطه ايدها على فمها تبكي

: الو سامي ..

سامي هو مع ريان بالشرطه قال بهمس يبعد عن الضابط : نجلاء ايش فيك ..؟ ايش فيه صوتك ..؟

نجلاءوهي يبكي بقهر: سامي انت واثق فيني ..؟

سامي ناظر الشرطي وهو ياخذ ريان لتوقيف : نجلااااء وش هالكلام ترى مو فاضي لخرابيطك

نجلاء صرخت فيه وهذا مو طبعها : ساااااااامي انت واثق باختك والا لا

سامي خاف عليها هذي مو نجلاء: نجلاء اكيد واثق فيك ..وش صاير

نجلاء: تعاااال للبيت هاللحين .. ابغاك ضررروري ..

سامي طاح قلبه : نجلاء تكفين ماني ناقص وش فيك ..؟

نجلاء : قايلوا علي كلام ماصار كله اشاعات والله يكذبون ...

سامي : وش كلامه ..؟ ومن قال

نجلاء اخذت نفس : بالمستشفى ..

سامي: نجلاء انتي وين فيه هاللحين .؟

نجلاء: انا بالسياره راجعه للبيت ...

سامي : لاااا لاترجعي للبيت روجي لستار بوكس اللي بالشاطي وانا جائي ...

نجلاء بلعت ريقها : اوكيه ..

سكرت وهي تتمنى يكون سامي عنده الحل ويصدقها قبل لا ريماس تتفلسف ..

*************************************
عشاق من احفاد الشيطان ... روايه رومنسيه ... خياليه
*****************************************

وعود وندى ونور وهواجس فالينها رقص وناسه مبسوطين لوعود ....

والجده عاد شي ثاني اخذت ملفعها ورقصت وهم ميتين ضحك ...

كانوا متفائلين بهذا الزوج لكن بعد زعلانين ومتضايقين على هواجس اللي تهز خصرها بالمصري ولا هامها شي ...

نور: ندووش قومي معي

ندى تاخذ نفس : خلااااص تعبت ...

وعود : تعبانه والا تفكري بالنتيجه

ندى: لااااا النتيجه هههههه نسيتها .. وهذا رقصه بعد علشان النسبه الحلوه ههههه

هواجس كانت تضحك وترقص ودقات قلبها سريعه مو من المجهود اللي عملته لا كانت خايفه من بكره وش مخبيلها فيه b]************************************

يسلمووووووووووووو على الموضوع الجميل
اختى سارووونه وان شاءالله في المقدمه
وتقبلي مروري.....

*************************************

عشاق من احفاد الشيطان ... روايه رومنسيه ... خياليه
*****************************************

سجى طول وقتها كانت بالبلكونه حق غرفة ربى تناظر عنر اللي جالس مع ربى ويسولف بالحديقه ... كانت تناظره مسحوره فيه ...... وبحركاته وهو يعدل الشماغ كل شوي .... وطريقته باكل العلك ... وضحكته العاليه ...

: جعلي مانحرم من هالضحكه يارب ...

دق منبه الساعه اللي بغرفة ربى ... سجى قامت بسرعه تطفيه لانه مزعج ..
وقفت عند الكومينه شافت صوره لها مع ربى وهم بالملديف كانوا راكبين الفيل ..
حست بقلبها ينقبض ورفعتها بتردد كيف نست ربى ... ربى اختها الكبيره الحبوبه ....
اختها اللي زواجها بعد كم اسبوع على عمر .. عمر اللي تناظره وهي ميته على حركاته ... كيف تنساها ... شلون تتعدى الخطوط الحمراء

جلست على الكرسي بضعف وهي ماسكه الصوره بحنها ....
ربى حبيبتها واختها تبيعها علشان مشاعر غبيه لعمر ...... اللي بيكون ابو عيال اختها وهي خالتهم ...

ضربت راسها بخفه (( كيف كنت افكر ... امس بس حبيته .. بيوم وبلحضه حكمت انه بيكون سبب سعادتي ... غبيه جد غبيه ...بس بنظره وحده من عيونه قلت هذا حبيبي ... لا ومعجبه فيه واتمقله بكل حقاره وهي بجنبه ))

حطت الصوره بهدوء وايدها ترتجف .. سكرت الباب وركضت لغرفتها ...

غطت نفسها بالبطانيه ومايبان منها شي ... فكرت بجرم اللي كانت تعمله وناويه عليها

دق جوالها بنغمه رومنسيه .. رايقة...وكانت اغنية انجليزية لرونان اسمهاall over again ... انتشر صوتها بالغرفه

سحبت الجوال من الطاوله وناظرت بالرقم وهي لحد هاللحين تحت الغطاء ..(( استاذ تركي .. يتصل بك ))

ردت بتردد وهي تكره هذي الحركه تحاكي رجال : آلو

تركي سكت كان صوتها ناعم وهادي (( يا حلو هالصوت ))
بصوته الخشن المبحوح : مرحبا فنجان قهوه ..

سجى كانت بتضحك حلوه هذي فنجان قهوه لكن مسكت نفسها : ايوه . في شي استاذ تركي

تركي فكر بصوت مرتفع : انت صوتك كذا والا منعمته ...؟!

سجى سكتت شوي تستوعب اللي قاله صوتها فيه شي مو حلو ...

تركي مسك فمه كيف قال لها كذا هاللحين كيف بيشبكها ...؟

سجى ضحكت : لا مو كذا لكن انا تحت البطانيه ... هاللحين ..؟!

تركي : اسف ازعجتك كنتي نايمه

سجى (( هذا شكله ناوي يسولف ومطولها مع وجهه وين الاستاذ ..؟ )) قالت بجديه : استاذ تركي في شي مهم ...؟

تركي (( لاااا وش فيها قلبت )) : نعم سوري ماسمعتك .؟

سجى : اقول اذا في شي ضروري حاب تقوله عن مقالاتي الجديده ..

تركي توهق ورفع الورقه اللي طبعها لمقالها الاخير علشان الجريده : ايوه هو .. انا ملاحظ ان كلامك قليل .. يعني ماتفصلي كثير

مايدري وش قال وكان بيضحك على نفسه (( وش فيك ياتركي بس سمعت صوتها صرت تقلب بالحكي ))

سجى استغربت ورفعت الغطاء عنها : قليل بالعكس انا اكتب لحد مايمتلي العمود والمعلومات مو بكثرتها بقيمتها

تركي : ايوه انا معك بس - توهق مره ثانيه – بس كنت اقول لو تشرحين اكثر يكون احسن ...

سجى : اوكيه براجع كتباتي وب

قاطعتها ميري اللي فتحت الباب بسرعه وقالت بحماس وهي تصرخ :: ســــــــــــــــــــــــــــجى

سجى بعدت السماعه بسرعه وغطتها بيدها تضن ان تركي مايسمع : وجعه يالغبيه فضحتينا ...

ميري عقدت حواجبها : انسه سجى هذا بابا يجي من شرقيه ..

سجى : يالغبيه ضفي وجهك ..

ميري بحماس : هذا يجي فستان انت من لبنان

سجى كانت بتصرخ لكن تذكرت تركي : سوري استاذ تركي انا مش

ماقدرت تكمل لانها سمعت صرخت ربى وهي مررره متحمسه : ســــــــــــــــــــــــــــجى ســــــــــــــــــــــــــــجى وصلت الفساتين من بيروت ...

سجى كملت هذي بعد ..: استاذ تركي انا مشغوله هاللحين احاكيك بعدين

تركي اجل اسمك سجى : اوكيه سجى مافي مشكله

سجى تلف وجهها عند ميري و ربى نفسها تقتلهم : اوكيه باي

سكرت السماعه وقالت لهم معصبه : فضحتونا مع الرجال

ربى تخصرت : اي رجال بعد ..؟

سجى بقهر : نائب رئيس تحرير الجريده ...

ربى طنشت وقالت بوناسه : بسرررررررعه قومي شوفي الفستان علي يالله متحمسه البسه ....

سجى نست وصرخت مبسوطه : فستان زواجك وصل

ربى : وانا وش اقولك من الصباح

سجى : على بالي فستاني وفستان ماما ...

ربى وهي تمشي بسرعه لدرج: يللللللله هم تحت

سجى لحقتها تركض

ربى وقفتها بنص الدرج : يوووه سجوي كنت بنسى عموري تحت البسي عبايتك

سجى بس اسمعت اسمه ارتبكت وخدودها حمرت وقالت بحياء : جد تحت ..

ربى مانتبهت : ايوه البسي والحقيني

رجعت سجى لغرفتها متردده تنزل والا لا .... لا تخاف تفضحها عيونها وبعدين لازم تبعد عنه علشان ماتطور مشاعرها ..
كل هذا التفكير رمته وراها وهي تاخذ اكشخ عبايه عندها وتلبسها مع غطاء شفاف علشان اذا تلثمت يبان وجهها ....

نزلت تتمخطر من الدرج وعيونها تعلقت بعيون عمر اللي ماسك ظهره من التعب وشكله رافع الصناديق لداخل ... وربى على الكنبه تطلع من الصناديق بحماس ...

سجى خافت تطيح من نظراته كان يناظرها بتامل وهي يبتسم ويااااااااحلو ذيك الابتسامه على وجهه السموح

عمر كان يناظرها وهو مبسوط بنزلتها اول مره تجلس معه بعبايتها بالعاده تقول انها تستحي وماتحب .. قال لاشعور لما وقفت عند اختها : كيفك سجى ..؟

سجى علومها علوم بذيك الساعه قلبها وصل لحلقها وحست بالحر فجاءه ناظرته وبعيونها لمعه مميزه : كويسه وانت كيفك ..؟

سجى (( معقوله انا نطقت بهالكلمات كان قلت كويسه واكلت تبن لازم اسال يعني )).......

عمر (( ياحلو هالصوت الناعم يالله بيبي والله بيبي .. في حد يلومني ليه احبها )) : انا كويييس وباحلى حال

ربى قاطعت نظراتهم وهي ترفع صندل فوشي بكعبه عاليه : هذا وش مجيبه

سجى سحبت وهي تناظره نفس اللي كانت تبغاه : وااو مثل مابغى هذا حقي ...

ربى : بس انت فستانك مو فوشي

سجى : فصلت اثنين ...

عمر يناظر (( وانا اشهد مايلبس هالصندل المزيون الا رجلك الناعمه ))

ربى : ليه اثنين

سجى بخجل لان عمر ذبحها بالنظرات : لملكة رياض ...

ربى : يوووووه نسيتها – لفت على عمر – عمور حياتي نسيت ملكه اخوي رياض ...

عمر بارتباك : طيب عادي

ربى : لااااااا و ش عادي متى بيمديني افصل الملكه بعد الاختبارات ...

سجى قاطعتها وتبغى عمر يناظرها مانفسها يناظر بربى ابدا .. لا وبدت تغار بعد : البسي فستان من جهازك وبعدين فصلي مكانه واحد – بجراءه كملت – صح عمر ...

عمر (( ياحلو اسمي على لسانها عمر احسه غير من صوتها ..اصير لك همر مو عمر )) : ايوه تفكير ذكي

ربى كملت تنبيش بالاغراض : ايوووه معكم حق

سجى ابتسمت وبانت اسنانها البيضاء ولمعت الكرستاله اللي فيه مثل كرستالت شموخ .. كان وجهها غير والغطاء الشفاف عليه .......(( اكيد بقصد اني ذكيه ويمدحني ))

عمر جلس على الكنبه وعيونه بعيونها وهي مثل الهبله تناظره ...(( الله يحفظك ويحميك هذي اسنان والا لولو ..))

سجى كانت تبغى تجلس مع جلسته لكن ضلت واقفه وفكرت بشيطانيه : تشربون شي ..؟

ربى بلامبالاه وهي تتفحص الاكسسوار الفجم اللي بيدها : لا توني شاربه عصير

عمر : والله ماردك ابغى عصير بارررررررد

باررررررد وكانه يقولها اشعلتي قلبي وفوادي ... هذا اللي فهمته سجى من نظرته ..: اوكيه

مشت للمطبخ وعيون عمر تراقبها ..

دخلت سجى المطبخ وفكت الغطاء وتنهدت ومسكت قلبها : راكان

راكان كان ماعنده شغل جالس يناظر كتب الطبخ مصدر رزقه : نعم ..

سجى : عصير برتغال بارررررد بسرعه ...

راكان : هاللحين

سجى احتقرته : لاااا بكره وش رايك يعني ...؟هاللحين اعملهم اثنين ...

راكان بدون نفس : طيب

سجى تخصرت : كانه مو عاجبك ..؟

راكان : لاااا ولوووو

سجى : بسررررررعه خلصنا ...

راكان بدء يشتغل ولما شافها واقفه ع راسه قال : خلاص انتي ارتاحي وانا بجيبه ..

سجى : لاااااااا اطردني من بيتي بعد

راكان: لا العفو ...بس قلت اريح لك

سجى : لا مشكور مرتاحه كذا خلك بحالك انت ...

راكاان (( مالت عليك وعلى وجهك )) : ...............

سجى ناظرت براكان وتفكيرها كله مع عمر .. لكن انتبهت بحرق بيده وكان كبير مره قلبها دق بسرعه وخافت هي ماتحب تشوف هذي المناظر ابدا ويمكن مانتنام بسببها : ايش هذا ...؟

راكان لف يتاكد تحاكيه هو والا لا .. لان صوتها نعم فجاءه : انا

سجى تبعد عيونها بتعاطف : كيف انحرقت كذا ..

راكان (( ياميي على الحساسه )) : عادي اشتغل بالمطبخ يعني طبيعي انحرق

سجى حطت ايدها على فمها : سوفااج سوفااج ..

راكان ناظرها باحتقار والله ناس فاضيه : قلتلك ارتاحي بره وميري اذا خلص بتجيبه

سجى : ومن قالك ان ميري بتاخذه انا اللي باخذه بنفسي ..

راكان استغرب من متى هالتواضع

صب العصير بكاسات انيقه : تفضلي

سجى تلثمت واخذت الصينيه معها وطلعت تتمخطر

راكان : اهااااا الظاهر انها بتدخل عن خطيبها يااااارب تتزوج وتريحني = تفكيره برياء ههههههه

سجى قدمت العصير لعمر بجراءه كانت تعمل شغلات ماتخيلت نفسها تعملها بيوم : تفضل ..

عمر دقات قلبه سريعه وتامل بوجهها من قريب وريحة عطرها

سجى ابتسمت اكثر لانه طول يناظرها : العصير

عمر انحرج وحمد ربه انها قالت بهمس ماسمعته ربى المشغوله مع الصناديق الكبيره اللي قبالها ..اخذ العصير ببط وهو متحسف تروح عنه : شكرا

سجى رمشت بعيونها : العفو

مشت لمكان بعيد عنهم وجلست بعد ماحطت الصينيه ...

ربى انتبهت في اختها : سجوي تهقين هذا الطقم بيركب مع فستاني الاورنج اللي بلبسه بملكة رياض ..

سجى ماتدري وش قالت اتها بس هزت راسها : ايوه ايوه ..

دخلت ام رياض من الباب : السلام عليكم ..

اللكل: وعليكم السلام ...

وكان ينطبق عليها دائما (( اذا دخلت الشياطين خرجت الملائكه )) .......

ربى : ماما وصل فستانك ..

ام ريا ض بهدوء وهي تناظر عمر بنص عين ..: كويس كويس ...

سجى تبغى تلفت الانتباه : وفستاني انا بعد ..

ام رياض : قلنا كويس يعني اكيد الفساتين كلها وصلت

سجى انحرجت لكن كملت ان مو هامها : ماما رياض ملك اليوم ...

ام رياض : ايوه الا ياعمر ليه مارحت معهم

عمر : انا ..؟

ام رياض : ايوه مو انت نسيبنا ..

عمر : محد قالي ..

ام رياض : اتوقع انك ولد اصول وعارف من غير لاحد يقولك ..

ربى وسجى تغير وجههم من طريقة امهم الجافه حتى مع نسيبهم ..

ربى : ماما انا الغلطانه ماقلتله ..

ام رياض لانت ملامح وجهها وهي تناظر ربى حبيبة قلبها : وش فيك نسيتي شكلك ..

ربى : ايوه ...

عمر جلس يهز رجله مو عاجبه ابدا ... لكن هانت كلها كم اسبوع ويتزوج ...

سجى (( مسكين يا عمر قهرتك امي لاتضايق نفسك .. )) ((مسكينه وعود ههه مادرت من ام زوجها ..))

ربى تهدي الجو : ماما ايش رايك بهذا الطقم

ام رياض: كويس ...

عمر وقفت : انا استاذن

ربى بسرعه : وين ...؟

عمر : عندي كم مشوار ضروري

ام رياض بتعالي: الله معك ..

طلع عمر وسجى حاولت قد ماتقدر ماتناظره لان امها اذا بس حست مجرد احساس عن نظراتهم بتقتلها ..

ام رياض: سمعتوا زوجت اخوكم وعود .. وش شروطها

سجى ((مسكينه وعود ههه مادرت من ام زوجها ..))

ربى : صحيح وش شروطها

سجى بقرف : بنت فقر وش شروطها يعني طقم ذهب لها ولامها و سياره لابوها عارفه حركاتهم

ام رياض: لااا مو كذا .. تقول شرطها ماتسكن معنا بالبيت ..

سجى ضحكت ضحكه عاليه بستهزاء: هههههههههه جد بنت فقر ومن قال لها ان رياض ساكن معنا

ام رياض : مادري .. اسمعوا لاتجيبوا طاري عن كاترين سمعتوا ..

ربى : هي ماتدري..؟

ام رياض: لا كم مره بعيدها يعني .. ورياض منبه علي مايدرون .. لاتزوجها يصير خير ..

سجى بابتسامة نصر : مسكينه على بالها اول بخته هههههه

ربى : حرام مسكينه

ام رياض: ياجعلها تنسيه هالمسيحيه هذي ..

ربى بفزع : ماما حرام عليك لاتكفرين مسلم

سجى (( لو انا قايله حرام عليك كان ذبحتني ))

ام رياض : حرمت عليك الجنه ان شاء الله وش حرام ذي عاهره مادري من اي زباله جابها

سجى وربى سكتوا بعد الدعوه المحترمه .. ربى طارت كل فرحتها بفستانها اللي مابعد جربته ...

*************************************
عشاق من احفاد الشيطان ... روايه رومنسيه ... خياليه
*****************************************

ريان بداخل السجن يناظر واحد هندي معه بالتوقيف لعن شموخ مليون مره .. قرفان حياته بالجلسه هنا ...

لا ومعي هندي بعد ... انا اوريك اذا طلعت شغلك عندي يا نسه مشاكل ... جد حيوانه وانا اللي خفت عليها ..... قال ايش قال ترجاني وبوس ايدي ... ماعاد الا هي .. والا اقطع ايدك مو ابوسها .. لكن والله مايجي الفجر الثاني الا وانا طالع من هنا ))

وعلى هالحرق الاعصاب اللي بداخله ونفسه بسيجاره لكن فتشوه واخذوها منه ....

ياريان انت تلعب مع مين هذي بينك ...

*************************************
عشاق من احفاد الشيطان ... روايه رومنسيه ... خياليه
*****************************************

اليوم الثاني

ام ريان : ايوه هذي الغرفه السنعه وش زينها

شموخ : آآف اقرفني جو الجبيل هنا احسن .. ناظري وش زينها الغرفه ولو ان الوانها مره بايخه

ام ريان:لا والله بينك شوفي وش زينها ...؟

شموخ : تمشي الحال بهالكم يوم ..

تمشي الحال ياشموخ والغرفه كانها جناح ملكي .. الثريات ماله سقفها والسجادات الايرانيه معبيه ارضها والمفرش اللي هي نايمه عليه كانه حرير .. وطقم الكنبات اللي بالغرفه المفتوحه عليها كل واحد احلى من الثاني .. اللوان البيج والبني الفخم يغطيها ...

ام ريان : خليني احاكي صوفي اشوف وصلت الفطاير والحلويات ..

شموخ : ايوه تاخروا ولاتنسي الورد ابغى الغرفه كلها ورد بينك ماما ..

ام ريان : ايوه اكيد..

شموخ : ولاتنسي كمان الشوكلاتها مابغاها الا من باتشي وشوكلاين ..

ام ريان : ابشري ..

شموخ : والبايسن مابغاه بلعب ابغاه بقزازة ..

ام ريان: يووه البايسن وصل يابينك ليه ماحكيتي من قبل ..

شموخ : وصل ... روز روز ...

روز وقفت عندها بسرعه : Yes

شموخ : ارمي كل كرتين البايسن هاللحين

ام شموخ : ليييه ..؟

شموخ : ماما كيف شكلنا والبايسن بعلب ...

سخيفه شموخ صح بس هذا تفكيرها ...

ام ريان : عادي حنا كذا كذا حاطينه بكاسات سنعه ..

شموخ : اها اذا كذا خلاااص ... بس هذا انا اقولك ...اذا ماجابوا الورد ...مثل اللي طلبت والله لارميه ..

سامي كان واقف من زمان : انتم تجهزون لحفله والا زيارت مريض ... هذا اذا فيه مريض شموخ ليه جالسه لهاللحين اللي يشوف يقول م

قاطعته شموخ : اووه سام واللي يعافيك اللي فيني مكفيني .. روووووووز جهزتي الملابس اللي قلتلك ...

سامي (( والله اشك انك امس ماكنتي قادره تتحركي ))

ام ريان: هلا والله بسام

سامي : لاهيه مع بنتك ولدك مرمي بالسجن

ناظروا شموخ ...

شموخ ببرود : لاتناظروني كذا لو بايش مستحيل اتنازل ..

اندق الباب

سامي فتحه شاف وحده بغطاءه واقفه ومستحيه منه ..
سامي بدء يتميلح ابتسم: هلا بغيتي شي

: هنا شموخ اقصد هذي غرفة شموخ فارس ..

سامي : ايوه تفضلي ..

وقفت كيف تدخل وهو فيه ...

ام ريان : من ..؟

سامي : زيارااات

ام ريان راحت عندهم تشوف مين ..

: هلا خالتي ..

ام ريان: هلا والله ريهام حياك ادخلي ..- بحده – سامي رح تحت ..

سامي يناظر بالبنت : افا ليه

شموخ بضجر: ساااام ..

\سامي طلع وهو مبتسم ..

شموخ مالها خلق ريهام : هلا ريهام حبيبتي تفضلي

ريهام بحماس فتحت وجهها : بسم الله عليك بينك والله خفت لما قالت لي نجلاء ..

شموخ ناظرت بامها بعصبيه يعني نجلاء ليه تتصرف على كيفها : تفضلي ..

ريهام حطت صحن الحلى من مخبز عادي: ماتشوفي شر

شموخ : الشر مايجيك

ام ريان: ليه كلفتي على نفسك ماله داعي ..

ريهام: لا والله عادي – بخجل – لوئي اشتراه لي

شموخ لفت وجهها (( بدينا بهالحركات )) : ماعنده ذوق اقصد مو مره ذوقه مثل ماتقولي انتي انه بطران

ام ريان تغير وجهها من رد شموخ وغيرت الموضوع وهي تفتح الحلويات : تفضلي يابنتي

ريهام انحرجت من كلام شموخ لكن مثل العاده بطيبتها ما حكت شي .. وابتسمت لام ريان : مشكوره خالتي ..

وانهلت الزيارات وحده ورى الثاني صديقات امها اغلبهم ...

شموخ بهمس لامها : بنت اللي مافيه خير ماجاءت تشوفني

ام ريان : صح غريبه

شموخ ك ولا غريبه ولا شي من يومها تكرهني

قاطعتهم وصال بنت صديقة امها وهذولا لهم مركز اجتماعي مهم وهي بعمر شموخ : بينك ام رياض ماشبعتوا من بعض

شموخ بغرور ودلع زايد : لااا مو كذا هههههه

عبير بنت صديقة امها الثانيه : ياحياتي والله طالعين تنبسطوا تمرضي كذا

ام وصال : الجو يغير ...

ريهام كانت جالسه ساكته مو جوها .... ناس شايفه نفسها تناظر غيرها بتعالي حكيها عن اخر الملابس والاكسسوارات ..والموديلات الحديثه .. صحيح ان مستواها مايقل عن اي وحده فيهم لكن امها بسيطه وربتها على البساطه ...

شموخ : انتي عارفه الجو متغير علي وبشرتي تتحسس ..

عبير : اجل مانبسطتوا

ام ريان: لاااا انبسطنا بالمره ..

وعلى هالمنوال ...

*************************************
عشاق من احفاد الشيطان ... روايه رومنسيه ... خياليه
*****************************************

هواجس : بسم الله – اخذت نفس وقعت –

بو هواجس ابتسم باسنانه المسوسه : مبروك مبروك ..

طلع بالدفتر مثل المهبول ..

هواجس ناظرت امها وعود ونور وندى وعمتها وكانهم بعزاء مو بزواج .. بعكس ملكت وعود امس : ليه تناظروني كذا زعرطوا

محد كلمها والدمعه على اهدابهم ...

هواجس بعصبيه : ليه ساكتين ...؟ زعرطوا ..
غطت وجهها بيدها وبكت بقوه ...

نور سحبت ملاك و طلعت من الغرفه بسرعه ..وهي تبكي

وعود ونور ضموا هواجس يصبرونها ويهدونها وبكوا معها

اما امها كانت تبكي من قلب : حسبي الله عليك ياسعيد حسبي الله عليك ..

ام نواف : ساره استغفري ربك ..

ام هواجس بقهر تاشر على صدرها : قاهررررني قاهرني .. الظالم ..

ام نواف: تعوذي من الشيطان وانا اختك تعوذي من الشيطان

ام هواجس : آآآآآآآآآآآه آآآآآه ياقلبي عليك يابنيتي ضيع شبابك ..

ندى ناظرت زوجة خالها كيف منهاره (( ليه خالي يسوي كذا علشان الفلوس )) طلعت من الغرفه وهي متضايقه وراحت لنور المطبخ تصبرها ...

بعد نص ساعه

دخل بو هواجس : وش فيكم كذا ..؟ وجيه تجيب الهم .. وانتي قومي اطلعي رجلك يبغى يشوفك ...

هواجس بفزع : ليه ..؟ مايحتاج بكره بسافر معه مايحتاج يشوفني

بو هواجس: اقول قومي بس قومي بلا كثرة بربره

هواجس مسكت بوعود اكثر : لااا ماني بطالعه بكره يشوفني ..

بو هواجس مشى لعندها وسحبها من ايدين وعود : قومي بلا مياعه ..

ام هواجس: اتركها قالت بك

سكتت وهي تشوف النظره من عيونه .. نظره تعرفها عدل وتذكر الالم بعدها ..: هواجس اميمتي انتي قومي مع ابوك

ام نواف ما تبغى تدخل لان اخوها بالموت رضى لها تدخل بيته اليوم ..

وعود : خالي اتركها على راحتها

هواجس سحبت ايدها منه : مابغى ..

بو هواجس جرها من ايدها لحد ماطاحت على الارض وهي تبعد عنه وتبكي جرها من شعرها : تعالي بس تعااالي ..

نور سكرت باب المطبخ بقوه وهي تضم ملاك ماتقدر تسوي شي مابيدها حيله ...

ندى سكتت وقلبها يتقطع على بنات خالها .. خالها اللي تكرهه ...

...................

هواجس دخلت المجلس الصغيره ودموعها على خدها وشعرها الاحمر المميز معفوس .. كانت لامته فوق من شد ابوها نزل .. كان شكلها مبهدل

بو ماهر ابتسم وهو بيموت طارت عيونه عليها احلى من هذيك البنت هذي غير شعرها عنابي على احمر ...ال طويل مره .....وخدودها حمراء مع بياضها الصارخ

هواجس كانت تشهق من القهر والظلم ..كانت مطنشه وعادي عندها لكن لما طاح الفاس بالراس حست بالمصيبه لا وبكره بتكون معه لوحدها بيسافر فيه ... شهقت اكثر ..

بو ماهر : ليث تبكي ...؟

هواجس ناظرته وحست بالمصيبه جد ..حتى سين ماعنده لاااا هذا الانتحار بنفسه ...

بو هواجس : خلاص انقلعي ..

طلعت هواجس تركض للغرفه اللي فيها اعز الناس على قلبها ..

امها ستقبلتها بالاحضان ...

هواجس سكتت فجاءه وصارت تضحك بهستيريه ...: ههههههههههه
ناظروا بعض اكيد انجنت ...

ولان الشقه صغيره سمعوهم نور وندى وطلعوا بسرعه يشوفون وش السالفه ..

هواجس تمددت على الارض من كثر الضحك : ههههههههه

ام نواف: بسم الله عليك وش فيك ...؟

هواجس جاءت بتحكي ضحكت اكثر : هههههههههه

سكتوا وهم خايفين ...الا ملاك ضحكت مع ضحك اختها : هههههههههه

بعد دقيقتين بالضبط سكتت هواجس وعلى وجهها ابتسامه عريضه : تخيلوا ههههههه ماعنده سين ههههههههه قالي ليث تبكي ههههههههههههههههههه

ناظروا يبكون والا يضحكون تكابر وهذا طبعها من صغرها ..

ندى تسايرها : هههههه ايش قالك

هواجس ماسكه بطنها وتكلمت مثل العجايز : ليث تبكي ..هههههه

*************************************

عشاق من احفاد الشيطان ... روايه رومنسيه ... خياليه
*****************************************

ريان : هذا تسميه اكل ..

رفس الصحن برجله ..

الشرطي : ايش هذا ..؟ هذي نعمه خاف ربك ...؟

ريان : اقول شل قرفك عني ودني لضابط حقكم ابغى اعمل تلفون ضروري ...

الشرطي رفع الصحن وساعده الهندي يرفعون الاكل على الارض : اذا احترمت نفسك خليناك تحكي مع الضابط ...

ريان : انت هييييه ودني لضابط لاعلمك من ريان ...

الشرطي باحتقار واضح : سبحان الله خلق وفرق .. من يصدق ان سامي اخوك ..

طلع وتركه

ريان صرخ بانفعال : والله انك زبال لكن انا اللي بربيك يالج.... ... الله يلعنك ياشموخ بس اطلع من هنا واوريك شغلك عدل ..

بعد نص ساعه صرخ عند القبضان : انت هييه يا شرطي ابغى احكي تلفون ضروري

جاء الشرطي نفسه : خييير

ريان بنفس شينه : سمعتني ابغى احكي تلفون ..

الشرطي فتح الباب : والله لوما سامي غالي كان تركتك هنا

ريان احتقره ودخل على الضابط ...

ريان: لو سمحت ابغى احكي تلفون ضروري

الضابط : لاتعب نفسك اخوك سامي مابيده شي .. ماعندك الا تتنازل بنت عمك ..

ريان بنفاذ صبر : ممكن تلفون

الضابط : تفضل

ريان دق ارقام سريعه ..

منى : الو ريان وينك من امس ادق عليك جوالك مقفل

ريان بعصبيه : هلا حياتي انا بالشرطه

الضابط احتقره يحكي مع خويته ..

منى بخوف: الشرطه ليه

ريان: مشكله مع شموخ شفتي كل هذا علشانك حبيبيتي

الضابط توه بيحكي الا ريان مد ايده له يعني انتظر ..

منى: ياقلبي وش عمله معها

ريان : مو وقته انتي هاللحين طلعيني من هنا باي طريقه ..

منى بسرعه : حاضر حاضر

ريان قالك يدلع عليها لكن بثقل : والله ياحياتي الجو مره عفن وقرف ماني قادر اجلس ثانيه ..

منى: اوكيه هاللحين اتصرف

سكر ريان ولف على الضابط

الضابط كاره ريان واخلاقه الشينه : لاتحاااول مالك الا بنت عمك

ريان تفل بالارض وكان يتفل على شموخ : تخسي اترجاها ..

الضابط عصب : انت وين جالس ها ..؟ يا شرطي خذه من هنا ..

ريان احتقره وعلى وجهه نظرات استهزاء : دال طريقي

طلع ..

بعد ساعه

الشرطي : ريان تعال

ريان من غير لايناظره : خير

الشرطي بدون نفس : بتطلع

ريان وقف ورجع اللون لوجهه :. كويس

مشى لعند الضابط وقع بتعهد وهو رافع راسه وكل ننظرات الانتصار والاحتقار على وجهه ...

الضابط ماتكلم معه كثير لكن نفسه يبكس وجهه جد الواسطات لهالاشكال الفاشله ...

*************************************
عشاق من احفاد الشيطان ... روايه رومنسيه ... خياليه
*****************************************

دق الجوال نغمة نوكيا الممله ..

رفعت نجلاء عيونها على الشاشه من امس مانامت مع ان سامي حاول يهديها ويعطيها ثقه بنفسها لانها جد برياءه لكن فيه نار وقهر يحترق بداخلها واللي زاد عليها حركة بو مشعل يعني جد بتسلم على الدكتوراه والدراسه اللي تعبت عليها ..

شافت اسمه ينور الشاشه بكت اكثر (( احمد يتصل بك ))

انتم معي تتخيلوا وحده عمرها 27 سنه محافظه على نفسها وسمعتها وماتلقي وجه لعواطفها وتمش وراها ... حتى مع احمد كانت ماتتعدى الخطوط الحمراء اللي حطتها لنفسها

دق جوالها بنغمة رسايل موسيقى بسيطه متقطعه ..
رفعته ..
(( مساء الخير ..
كيفك ..؟ يارب ماتكوني تعبانه ..
امس واليوم ماشفتك عسى المانع خير ... واذا كنتي لهالحين بالشاليهات لاتنسيني وانتي تناظري البحر امزح هههه ..
مادري وش اكتب بس فقدتك ))

المرسل : احمد ...

الرساله حركة المشاعر القويه لها ...
نجلاء ضمت الجوال تبكي : لو تدري ياحمد وش قالوا عنا وحنا ماجلسنا سوا الا ا سبوع قتلوا مشاعرنا قبل لاتنولد ...

دق جوالها وخافت من هزته بيدها بعدت شافت رقم مشعل ..مالها خلقه .. لكن حرام كان حبوب معها .. لا ماتبغى تحكي مع احد وبالذات هو بعد حركة ابوه الماخه ...

دق حوالي اربع مرات ويدق لحد ماينقطع كان مصمم

بعدها رسل رساله ...(( نجلاء ردي علي ... لازم تكوني قويه وتداومي ولا يهمك احد ))

نجلاء: ماقدر يا مشعل ماقدر .. انت ماتعرف عن ابوك وش قال ..؟

رجعت قراءت رسالة احمد وكانها تقراءها اول مره ..

*************************************
عشاق من احفاد الشيطان ... روايه رومنسيه ... خياليه
*****************************************

سجى دق الجوال بصوت مزعج ...

حطت راسها على المخده تبعد الصوت عنها ...

رجع الصوت مره ثانيه : آآآآآآآآآآآآآآآآآآآآآآآآف

ردت من غير لاتشوف مين : خيييير ..؟

تركي : الو ..

سجى صوت مبحوح وخشن ناظرت الشاشه ..استاذ تركي ..: الو ...

تركي : ازعجتك ..؟

سجى تاففت : لا يارب يكون لشي مهم ..

تركي : بس حبيت اقولك ان مقالك مانزل اليوم ..

سجى فتحت عيونها : ليه..؟

تركي : لان في خربطه بالجريده ومشاكل

سجى عدلت جلستها بسريرها : وانا وش دخلني بالمشاكل يكفي اني ماخذ مقابل ...

تركي : مقابل .ايوه صح انتي ماينصرف لك شي .

سجى وقفت للحمام : ايوه ماخذ شي معقوله ماتعرف ..

تركي : لا.. عارف ..بس انتي اول مره تحكين ليه ساكته

سجى فتحت المويه : لاماني محتاجه لقروش ...

تركي اذا حابه اعطيك اقصد نعطيك مثل الباقي مافي مشكله ...

سجى : استاذ تركي ياليت ماتدق مره ثانيه الا لشي ضروري جد مثلا احترقت الجريده ...او انفجرت انابيب الشرقيه

تركي استغرب من ردها : ها...؟

سجى : يعني امسح رقمي من جهازك ولا عاد تدق ..
سكرت الجوال ماتدري كيف عطته الرقم اصلا وخانت عمر ...

ابتسمت لوجهها بالمرايه وهي تناظر لمويه تنزل منه : اييه يا عمر وش سويت فيني ماهمتني ربى المهم انت ..

نزلت تحت ورايقه للمشاكل مع راكان .. لكن شافت شي وقفها بمكانها

*************************************
عشاق من احفاد الشيطان ... روايه رومنسيه ... خياليه
*****************************************