عشاق من احفاد الشيطان ... روايه رومنسيه ... الجزء الثاني عشر

الفصل الثاني عشر

شموخ : لا واثق مره رح اجلس بمكان ثاني

ريان تعمد يستخدم معها اسلوب وهو يتمنى يجرحها فيه : بيت ابوي والله اجلس وين ماحب ..

شموخ احتقرته : محد قالك ان تصرفاتك بزر

ريان : ابعدي بس ابعدي ..

شموخ : واذا ماتحركت ولا تفكر تمد ايدك .. لاني هذي المره مراح اسكت لك

ريان (( ياحلو عيونك يا شموخ ..)) : اسمعي انا ماني برايق لك هاللحين .. اطلعي البسي وقولي لامي ونجلاء يجهزون ابطلعكم بمناسبة شركتي الجديده ..

شموخ حطت رجل على رجل وناظرته باحتقار ..: لا شركه جديده جعلك ماتتنهنى فيها ..

ريان عرف انها تحترق من جوا (( ليه تكرهيني كذا ياشموخ مو لهالدرجه حتى ماتحبي لي الخير )): الله يبارك فيك ..ههههه ...

شموخ : اوه قبل لانسى مبروك زواج حفيدتك ههه اقصد حفيدة زوجتك منى . ... يعني حفيدتها حفيدتك ههه

ريان احتقرها : الله يبارك فيك .. بس كلي تبن قبل لايجي حد يسمعك ..

شموخ بدلع : خايف

ريان : هههه من جدك انتي ..

شموخ شافت روز تمشي للمسبح مع خدامتين ثانين علشان ينظفون : روووز روز .. نادي دكتوره قرويه وماما وقولي لهم ريان الهم بيحتفل معهم ..- وقفت وصارت قريبه من طوله ماعدى مسافه بسيطه شوي- انبسطوا بالطلعه ..

توها بتمشي ...ريان مسك ايدها ولفت عليه معصبه متوعده لو يضربها بتذبحه .. شافته ناظرات بغربيبه مافهمتها تهديد والا بيجبرها والا ناوي يضربها ..بهدوء قال : وانتي مانتي بطالعه معنا ..

شموخ سحبت ايدها بقوه : لاااا ..

مشت لداخل وريان اخذ نفس (( غببببببببببببي غبي غبي ماقدرت تمسك مشاعرك وتضبطها جد حمار ..))

شموخ مشت بدلعها وغنجها للفيلا : جد تافه وماعنده سالفه ياكرررررهه ..

نجلاء وام ريان كان ضحكهم طالع من الغرفه .. شموخ حست بنار تغلي بصدرها ليه امها تضحك مع نجلاء من متى..؟ حتى انها متحمسه تاخذها معها لخطوبه اخو سجى صاحبتها .. ضربت الارض برجلها من القهر (( ليه تضحك معها )) كان نفسها تكسر الباب عليهم ..

ريان كان يشوفها كيف مقهوره قال بشماته و ببرود : ههه نجلاء وامي داخل ..؟

شموخ ناظرته مقهروه .:............

ريان درى انها غيرانه من نجلاء يعرف تفكيرها : ياحليهم بنت وامها

شموخ انقهرت وافتحت الباب بقوه وبدون استاذان

نجلاء كانت لابسه فستان سماوي طويل ومرتب عليها بدون اكمام لكن ساتر وحلو عليها مغيرها كثير ...

ام ريان بحماس وهي تعدل لنجلاء فستانها : ايش رايك بينك .. اوه ريان هنا .... ايش رايك ..؟

ريان وقف ورى شموخ بالضبط ويحس بتنفسها السريع ... وهي قدرت تشم ريحة سجايره كويس : لاااا ملكه ايش هالحلى نجول

نجلاء احمرت اخدودها واستحت اول مره ريان يمدحها واول مره تحس نفسها حلوه كذا ... رفعت شعرها : ارفعه والا ات

قبل لاتكمل كلامها ضربت شموخ الارض مثل البزارين و صرخ فيهم ..: ماما نسيتي انا بينك انا حبيبتك مو نجلاء .. – تاشر على نجلاء - نجلاء القرويه وانا المودرن والذوق ..مااااااما انا بينك والا نسينتي – مشت لعند نجلاء وهي تخربط شعرها بعصبيه وتخرب فستانها اللي رتبته امها لها - انت قرويه وشينه ماما نجلاء ماتنفع لك مو لتفكيرك انا اللي افهمك

اللكل سكت مصدوم حتى نجلاء ماقدرت تحكي او تبعد ايد شموخ عنها .... كانت شموخ منهاره مره ...

شموخ تكمل وهي ترمي الملابس اللي على سرير نجلاء: مهما عملتي ماما تحبني انااااا سمعتي انا بينك ... – لفت على ام ريان – مااااما قوليها انك ماتحبيها وانها قرويه ومهما عملت انا بنتك المفضله ..

ام ريان سكتت تناظر بنجلاء وريان مستغربه من ردة فعل شموخ اول مره تشوفها كذا من وفاة مروج

اما ريان كان يشوفها ترتجف وتصرخ كانت ضيفه ومكسوره ماقد شاف شموخ بهالشكل .. او بهالانهيار هذا كان نفسه يضمها ويهدي رجفتها ويهمس لها لاتخافي حنا معك ونحبك انتي اختنا ..وحبيبتنا

شموخ كملت وهي تصرخ بوجه امها : لكن الظاهر خلاص من عرفتي اني اعرف انك مو ماما صرتي تكرهيني .. وانا بعد اكرهك ومابغى حد مايبغاني .. واذا انتم ماتبوني انا بطلع من هالبيت ..

ركضت بسرعه لبرى الغرفه مرت على ريان المصدوم من شكلها شموخ كان وجهها مقهور .. شوي تبكي مجروحه ومرت من عنده ..

دخلت لغرفتها وسكرت الباب عليها ... ماقدرت تستحمل اكثر بكت وبكت ..محروق قلبها ...

اما بغرفة نجلاء اللكل كان ساكت سكتوا بستوعبون وش صار ..؟

نجلاء بعد خمس دقايق نطقت : ايش قصدها شموخ بمو بنتك ..؟ وليه تبكي كذا ..؟

ام ريان جلست على السرير بضف وبكت : هذا اللي خفت منه .. كرهت هاليوم يجي وشكله جاء

ريان مانطق انهيار شموخ هزه من جوا كان يضنها قويه واقوى من كذا بكثير على اتفه سبب انهارت وبكت ..
دخل لغرفته وسكر الباب ...
اخذ سيجاره قريبه منه يفكر ماتوقع ان شموخ تحس .. هي كانت حساسه لكنها بالسنوات الاخيره صارت قاسيه وتستهتر بمشاعر اللي حولها ...
اخذ له سيجاره وسحب منه يبغى ينسى ينسى المها ودموعها ..

..... ........ ........ ........ .....

ام ريان : وهذا القصه هذا اللي خبيته سنين 21 سنه لكنه طلع وطلع بسهوله ...

نجلاء حطت ايدها على فمها مصدومه بينك المغروره الحقيره اللي تكرها مو اختها بنت عمها ....

ام ريان كانت تبكي خوف على شموخ هذا اول الغيث .. قلبها الصغير تحمل كثير حتى فقد الرحمه فيه وهي تدري بهالشي كيف لو بعدين ..

قامت ودقت على ريان الباب ..

فتح لها بسرعه خاف ان شموخ صار لها شي ..لكن امه استقبلته بكف حمر وجهه ...

حط ايده على خده مصدوم : يمه ..

ام ريان: انا الغلطانه اللي امنتك ..وقلتلك عن شموخ .. نبهني ابوك ماصدقت وقلت رجال وبيحن عليها .. لكنك لحد هاللحين بزر ... خساره 9 شهور شلتك فيهم ببطني مالت علي وعلى تربيتي ماعرفت اربيك .. ياليتك مت قبل لااجيبك ..

ريان : يمه وش ه

ام ريان : اسكت انا سكت لك لما روحت مروج من ايدنا لكن والله ياريان لو يصير بشموخ شي انا اللي بوقف بوجهك ..

تركته وطلعت لغرفته شموخ تدق عليها : شموخ ماما شموخ حبيبتي افتحي الباب ..

شموخ صرخت : مابغى روحي لنجلاء حبيبتك روحي لها صارت تلبس وتكشخ ..

ريان اخذ مفتاح سيارته وطلع من البيت امه اول مره تمد ايدها عليه اول مره تقلل من احترامه والسبب اكيد الحلوه شموخ ..مل كل مره هي انسه مشاكل سبب كل شي ...

نجلا ء: خلاص ماما اتركيها هاللحين هي تعبانه .. واطلعي لغرفتك ارتاحي انتي بعد ..

ام ريان هزت راسها باسف وراحت مع نجلاء

شموخ كانت منهاره تبكي .. محد صار يحبها امها تهتم بنجلاء وهي لا .. من جلست نجلاء بالبيت وهم دوم سوالف وضحك مع بعض وهي لا ..ريان يجرحها يوم عن يوم يكسر اشياء حلوه بداخلها كرها فيه وبنفسه .. سامي ماله وجد بحياتها ومايبغى يكون له وجود لانه اكيد عارف انها مو اخته ..

قلبت الجديد مع القديم وهي تضم بيسو لعندها بستها المفضله ..

*************************************
عشاق من احفاد الشيطان ... روايه رومنسيه ... خياليه
*****************************************

بيوم الخطوبه ..

سجى تمشي بفستانها الذهبي مبسوطه .... شافت الصدمه بعيون بنات خوالها اللي جاءوا من الرياض كان ستايل غريب عليها بالذهبي ..

تمشي نافخه ريشها وكانها طاوس ...

ام نواف وام هواجس وملاك سبقوا البنات على القاعه لانهم بالمشغل ..

ام رياض بابتسامه شاقه الحلق لان نفسها من زمان رياض ياخذ وعود لان جمالها وجاذيتها تجذب ..: هلااا والله بام نواف ...

ام نواف : هلا فيك

ام رياض : الخطوبه خطوبتكم مو لازم احكي

ام نواف : اكييد ..

جاءت ام يعقوب رافعه خشمها لفوق وجهها احمر من القهر : على البركه يام نواف ويام رياض

ام نواف : الله يبارك فيك

ام رياض تكره ام يعقوب وبينهم حرب : الله يبارك فيك وعقبال يعقوب ..

ام يعقوب: لا يعقوب بدري عليه جرب ردات حظه مره ومافيه يعيدها ..

ام نواف انقهرت لكن سكتت ..

ام هواجس: اييوه الله يوفقه باللي تسعده هذا وعود خذت سيد سيده

ام رياض ابتسمت بفخر : تسلمين ..

ام يعقوب : الا انتم ياستغلاليات .. مبروك زواج هواجس على بو ماهر الخلد ...

ام رياض شهقت : بو ماهر الخلد ...... سعود الخلد زوج بنتك ..

ام هواجس رفعت راسها وابتسمت : ايوه الله يخليه لها

ام رياض: لا مشاء الله الله يهنيها ...

ام يعقوب راحت متنرفزه ...

{ احب بهذا الجزء اترك كل واحد يتكلم عن مشاعره **

₪× سجى ×₪

مشيت بخطوبة اخوي رياض وانا ابتسم ومبسوطه احس باني اميره بهذاك الوقت كانت العيون كلها علي ... تناظرني بانبهار وكاني من كوكب ثاني ... كنت مبسوطه واضحك بداخلي .. احب اقه البنات وابهر احريم واجنن العجاير .. فستاني كان لاق بجسمي مره ومبين تفاصيله وطوله ... وكان لونه ذهبي جذاب وهذا من ارشدات اختي الغاليه ربى لانها شاطره بالذوق الانثوي ...

وقفتني بنت عمي احلام مع بنت خالتها وفاء اكرهم ماحبهم رامين نفسهم علي واسلووبهم سخيف بالحكي ..

احلام : مشاء الله سجى فستانك يجنن ..

رديت عليها بغرور ومن طرف انفي : اكيد دامي انا لابسته ههههه...

وفاء بنت خالها : لا وشعرك جناان

آف اكيد هذولاء مو عايشين بالدنيا وجائين من كوكب ثاني ..: ايوه شكرا

ورحت عنهم بسرعه قبل لايمدحون ملابسي الداخليه ههه..
شماتي شماته بوعود ونور وندى ..وكيف بيجوا للملكه ورياض متعمد مايعطيهم المهر يحرجهم ...

تمشيت بفخر وبغرور وانا ماني بشايفه احد ...

.............................................
₪× ندى ×₪

اقسم بالله ان الفرحه مش سسايعتني حاسه اني بطير من الوناسه اختي وعود طيبه وحبوبه وتستاهل .. ويارب يكون رياض مثل سعود زوج هواجس حبوب ومايقصر عنها بشي ..

احس انها ملكتي انا مو وعود مبسوطه مرررره حتى رقصت بالمششغل بدون موسيقى ورقصت معي وعود ...

جلسنا وعود بالغرفه وكان بالفستان حياكل منها حته ..حنااان عليها ماقد شفتها حلوه كذا .. كان لونه ارتكواز ولتحت ركبتها وفيه برتغالي شوي معطيها بياض اكثر وشعرها حكايه ثانيه لونه مثل الليل مشاء الله تبارك الله خفت احسدها ..هههه

طلعنا من الغرفه ان ونور اللي لابسه فستان ناعم مثلها وكانها اصغر مني وانا بفستتاني الذهبي الضيق .. بعد قليبي هوجد تفهم علي ههه

تمشينا بين الناس وكانوا يناظرونا مادري استحيت اول مره احد يناظرني كذ مو متعوده همست لنور : نوييييير

نور وشكلها مستحيه مثلي : خيير ....

ندى : شكلي فيه شي غلط ..

ناظرت نور وقالت مستغربه: لا اا انا شكلي فيه شي

: لاااا تهبلين ..

نور: اجل ليه الناس تناظرنا كذا

: مادري والله ..

رحنا لعند امي وخالتي ساره وماعرفونا بالبدايه هههه متعوين على كشتنا ..وبعدها مدحون فينا وعرفنا ليه الناس تناظرنا ..

طلعت للمسرح ابغى اشيك على الترتيبات لقافه ... وانصدمت وان اشوف وحده تشبهني قدامي .....
ناظرت عدل بعدها عرفت ان النسخه من فستاني كانت سجى بنت عمي فهد ..

سجى حسيت وجهها تغير اللوان واشكال وحسيتها عصبت ونفسها تذبحني ..

ابتسمت لها وانا مقهوره منها واخيرا صار راسي براسها ...

مشت بسرعه متنرفزه ومقهوره واختفت ابتسامتها ..

...........................................

₪× سجى ×₪

ولعت وحسيت نار بصدري وانا اشوف هذي القرويه لابسه مثل فستاني ... وين تعرف هذي الموضه والا ايلي ماسون .. هذي اسواق شعبي ويخب عليها .... كنت ابغى افصخها فستانها اللي مثل فستاني .....

اخر شي تصورته انه راسها مايكون براسي ..كيف انقلبت الدنيا كذا ..

تركتها قبل لاقتلها ... واقتل بنت خالها ..

لا واللي زاد الطين بله وقفتني وحده من صديقاتي : سجى

ابتسمت لها مجامله ..: هلااا

: مشاء الله سجى حركه حلوه انت وربى نفس الفستان ..

وصلت معي اكيد تقصد الزفته ندى ..: لا هذي بنت عمي اخت العروسه

: يووووه مشاء الله تشبه لك مره مرررره ..

انا اشبها تاكل تبن ..: ايوه ..

تركتها ورحت اقول لربى عن قهري ...ودخلت لارب غفه البس افستان الفوشي اللي صممه لي زهير مراد مع ان الذهبي مطلعني مره انثى لكن والله لاغسل شعري وجهي واخلي الكوافيره الغبيه تعملي من جديد ..

₪× وعود ×₪

جلست بغرفة مخصصه للعروسات بقاعة الفندق .... وقلبي ماوقف دق ..

طلعوا نور وندى علشان يشوفون الحفل ويسلمون على المعازيم دعيت ربي انهي اعجب رياض ومايندم على زواجه لي ...وينسيني يعقوب اللي انا متاكده انه جالس بين المعازيم هاللحين

وقفت انظار نفسي بالمرايه مفتونه بجمالي الصارخ وجسمي الممشوق .... ماتصورت ان شكلي بيوم من الايام بيكون كذا .. لكن فستاني الارتكواز اللي اختارته هواجس طلع مقاسي وموديله عذاب صحيح انه خالع شوي من جهة الصدر والظهر لكن حلو ومغيرني .. والا المكياج كاني وحده ثانيه ...
.رفعت يدي اثبت خصله طايحه على رقبتي ...

اندق الباب بعنف وحماس بعدها سمعت اصوات نور وندى .. ابتسمت غصب عني وانا اشوفهم يدخلون بوجيه بشوشه

ندى : واخيرا ياوعيد بتعرسين

كملت نور معها : والله بفتك منك مثل مارتحنا من هوجد

حسيت بالفرحه من ا صوات نور وندى المبسوطه :ههههههههه اللي يسمعك يقول بروح مع رياض هاللحين ..

(حسيت بالحياء وانا انطق اسم رياض خطيبي ) اليوم .
..
ندى :ههههههههههه شوفي كيف تقول رياض - (قامت تقليد خجلي ونبرة صوتي : رياض ..يامي ...رياض ههههههه

نور : رياض .. رياض هههه هههه

توترت وحسيت لبي يد بسرعه مادري ليه يمكن بينربط اسمه باسمي بالايام الجائيه ...: وبعدين معكم

رنا وندى :هههههههههه

صرخت ندى وهي مبتسمه : نسيت فاتك وعوده سجى بت عمي فهد مثل فستاني بالضبط وتخيلي لما شاافتني هههههههه

نور تكمل عنها : تغير وجهها الوان وشوي تبكي ههههه

استغربت معقوله هواجس وصلت لمستوى بيت عمي فهد : هههههههههه

₪× رياض ×₪

ماطيق كلمة مبروك
كنت جالس باوج وسامتي واناقتي انا العريس ولازم اكون اوسم الجالسين ... كرهت كلمة مبروك بهاليوم ... لما يهناتوني على وفاتي وتوديعي لاحلى ايامي مع كاترين ...

اذكر لما لت لامي انب ابغى اتزوج من كاترين وعصبت علي وكل كلمات الاحتقار قالتها ...
(( انت لحد هاللحين بزر ... ارسلك تدرس بره تحب لي وتعشق لا ومن مسيحيه ...

رياض: يمه كاترين مو مسيحيه مسلمه حرام تتهميها ...

ام رياض : مالي دخل فيها وبسواليفها زواج من هالعوبه لا سمعت .. وحط بالك اذا تزوجها مالك جلسه بيتي هنا دور لك اي زباله تضفكم فيها .
...

صرخت بووجهم امي هذاك اليوم وكانت هذي اول مره اصرخ فيها عليها : كاترين لي ورح اتزوجها اتزوجها ..

لفيت اناظر شفت ابوي مبسوط مره .. من زمان ماضحك كذا والله انا اللي نشبت نفسي بهالزواج كل عمامي هنا
فتحت عيوني اوسع شي لما شفت يعوب جاليس مع الموجودين لا وحاقد علي من نظراته احسهه بيقتلني ...شدعوه لحد هاللحين يحبها .. جد مهبول حد يحب وحده اسمها وعود من اسمها واضح القرف ...

ابتسمت ليعقوب ابتسامه عذبه علشان اقهره احسه منافس لي ههه هههه على مين..؟!

حسيت يعقوب زعلان ومتضايق مره ..وفي عيونه شي غريب لهذي الدرجه يحب هذي وعود لاطلقتها يتهنى فيها هههه ..

..................................

بدلت سجى ملابسها وطلعت لناس واستغربوا من شكلها فكروها اخت اللي لابسه ذهبي من شوي وكان شكلها بنوووووووت مره احلى من الذهبي لانه عطاها سنها وشكلها المالوف ..

شافتها سجى نور وصاروا يضحكون عليها طنشتهم ومشت (( مقهورين بنات الفقر ))

وهي تتمشى انتبهت باهل عمر دق قلبها بسرعه وراحت لعندهم : هلاااا والله هلا بخالتي والبنات

اهل عمر استغربوا من معاملتها لانها مغروره كثير بعكس ربى

ام عمر: هلا فيك .؟

سجى بابتسامه عريضه : حياء الله الغاليه كيفكم ..؟

ام عمر : الحمد لله كوسين انتي اللي كيفك ..؟

سجى : انا كويسه وباحسن حال .. حياكم تو مانورت الملكه ..

اخت عمر " الاء" : منوره بوجودك ...

سجى : خذوا راحتكم واذا حتجتوا لشي نادوني ..

ام عمر: تسلمين والله

كملت سجى طريقها وهي تتبسم ..

الاء: غريبه سجى اخت ربى صايره حليوه

ام عمر : يمكن الله هداها ..

الاء: لاااا انا اعرفها هذي مغروره وماهي بشايفه احد ..احسها تستعرض بس .....

..............................
***********
..................................

* ... * .. الدنيا ياصاحبي يوم لك ويوم عليك ...* ....*

ندى بغرور : هلا احلام وفاء ..دانه كيفكم .؟

احلام وفاء ودانه واشكالهم مقهوره : كويسين ...

ندى : ها وش رايكم بملكة وعود .. اكشخ من زواج فاطمه صح ..؟

نور : الا احلى من ملكتها على يعقوب

ندى: لااااا الله يعافيك لاتذكريني هههه تنذكر ماتنعاد ...

احلام : اها غريبه مغيرين فساتينكم المعتاده ههه

دانه : صح هذاك الوردي مادري السماوي ..

نور: اووه خبرك قديم انتي صرنا من نسايب بو ماهر الخلد

ندى مشت : تعالي بس نوير هذولا وش يدريهم عن الخلد هذولا يعقوب ولدهم ويخب عليهم ههههه

نور : اي والله هههههه

دانه واحلام و وفاء مقهورررررررين كانوا بينفجرون مادروا ان الدنيا دواره ...

.... ....... .... .... ... ....... .... ...... .......
*************** .
... .... ..............................................
شموخ جالسه بغرفتها تتجهز للملكه وهي متناسيه اللي صار امس وماتبغى تفكر فيه ابدا ...

ماتحتاج لاي مشغل ولاي اي مصففه هي تعرف لاناقتها ولجمالها تعرف تبرز الحلو فيها وتخفي الشين ...

ولو انها تفتح مشغل كان صارت امهر مصففه لكن مو شموخ اللي تخرب برستيجها وتتنازل وتحط لاحد شي ...

دقت امها الباب

شموخ بدلعها : ادخلي ماااااااما

ام ريان بابتسامه حنونه من للي صار امس ماشافتها وماقدرت تدخل عندها الا هاللحين ...: هلا حياتي شموخ جاهزه ..

شموخ : مااااما .. انا بينك وش شموخ

ام ريان: هههه نسيت جاهزه طيب بينك ..

شموخ رمت القلوس وانتهت من اخر لمسات مكياجها : ايوه بقي البس الفستان الله وش ههالكشخ ماما

ام ريان ابتسمت بفخر : حلو ..

شموخ : يجنن ايوه ماما كذا على طول ارفعي ا لراس

ام ريان : واللله انتي اللي ترفعي الراس مكياجك يابينك ياخذ العقل ..

كان مكياجها صارخ وقوي ..: داريهه اصلا انا كلي حلا ..هههه .. دكتوره قرويه جهزت والا ..

ام ريان: توها راجعه من المشغل .. وتحت تنتظرنا ..

شموخ : بليز ماما تاكدي من شكلها لاتفشلنا

ام ريان: لا شدعوه ان شاء الله بتطلع كشخه

شموخ: هههههه اشك ...

طلعت ام ريان علشان تلبس شموخ فستانها

ام ريان بابتسامه اعجاب: مشاء الله نجلاء قمر

نجلاء: جد والله حلو ..

ام ريان: ايوه تهبلين..

نجلاء: ههههه تسلمين يالغلا كله ..

ام ريان : ايوووه كذا صيري قمر لو انك طالعه من زمان من هذي المستشفى ..

نجلاء تغير الموضوع : صحيح ماما شمس اختك طلعت نتيجتها والا لسه

ام ريان: ههههه الله يقطع بليسها هالبنت مذاكره عدل علشان تنقلع لمصر ...

نجلاء: اهاااا .. قبل لانسى ماما من شوي حكى ريان ويقولك هو بيسافر كم يوم

ام ريان عقدت حواجبها : بيسافر وين...؟

نجلاء: مادري ماقالي تعرفي ريان محد يعرف عن اللي يعمله شي بس قال كم يوم وراجع ..

ام ريان تنهدت : زعلااان داريه زعلان مني .

نجلاء: لا ماما مو ذا انتي عارفه ان ريان مايهرب ومايخاف احد بس يقول سامي عندهم ضغط بالشغل

ام ريان : ياليت يصير كذا ..

نجلاء : ماما متى بنمشي الساعه صارت 9 ...

ام ريان : والله مادري عن اختك متى بتخلص ..؟

بعد نص ساعه طلعت شموخ كاشخه : يله خلصت ...

لبسوا ام ريان ونجلاء عباياتهم ..

قالت شموخ قبل لايطلعون بغرور :دكتوره قرويه بليز اذا حد سالك تعرفيني قولي لا مابغى حد يعرف انك معي

نجلاء صدمتها الكلمات وجرحتها لكن قالت ببرود : ومن قالك اني بقول انك بنت عمي مايشرفني بصراحه ...

شموخ ضربت الارض بدلع وعصبيه : مااااااما سكتيها احسن

ام ريان ناظرت بنجلاء وكانها تقولها (( خلاص اتركيها ماعليك منها ))

نجلاء غطت وجهها وطلعت معصبه من اولها كذا ...

......................
*********
............................

كان بالملكه البنات كلهم ملفتات للانظار وكل وحده اكشخ من الثانيه ..واحلى منها .. ومساكين الحريم كل شوي عاجبتهم وحده ..

سجى عند البوابه مع امها يسلمون على حريم الكباريه اللي عازمينهم

ندى ونور بين الضيوف ويسلمون على جماعتهم اللي جاءوا من القصيم والرياض علشان ام رياض بس ....

دخلت شموخ من البوابه وسلمت على سجى ....

سجى انبسطت مره بحبيبة قلبها : هلااااااا بينك كيفك حياتي

شموخ تسلم عليها بحراره: مرررره مشتاقتلك ..

سجى سحبتها من ايدها وماسلمت على نجلاء : تعالي بسرررررررررعه تعدلي بالغرفه ..

راحت شموخ وهي بعبايتها لداخل الغرف علشان ماتشوف احد ....

₪× نجلاء ×₪

دخلت انا وامي وشموخ لصاله وحسيت بشي غريب من زماااااااان مادخلت مثل هذي الاماكان .. فكنت طوال الوقت معصبه وعاقده حواجبي ...

واللي قهرني اكثر كلام شموخ جرحتني لاني بهذي الفتره الحساسه من حياتي ادقق باي كلمه واحسب لها حساب

سجى صديقة شموخ اكررررررررررها لانها مثل شموخ وتصرفاتهم غبيه مغرورات ودلوعات واحسهم وجهان لعمله واحده ...

ماما حبيبي نت فاهمتها غلط هي تدلع شموخ علشان مرضها اللي ماتعرفه وهو نقص المناعه عندها كبير كثير واي جرح بسيط يمكنيقتلها .. صحيح اني اكرها واحقد عليها لكن ماتمنى لها الموت ...

ريان اخوي احسه معصب منها ومقهور لكن ساكت بمزاجه وهادي والله يستر من هدوءه لاني اتوقعه مايسبق العاصفه ...

ماما حبيبتي كانت مبسوطه فيني مره وتعرفني على الموجهات وعلى الجيران وكل صحباتها اللي تعرفهم ام رياض ..

اما ام رياض ايش هذا كتله من الغرور والتكبر تسلم ببرود ومن طرف انفها لكن مع كذا حسيتها تع ماما كثير وسلمت عليها بحراره ..

: نجلاء ليه ساكته ..؟

رفعت راسي شفت وحده من صديقات ماما من المجتمع المخملي تحاكيني :لا عادي

كملت وهي تفتح لي صحن الفطاير اللي على الطاوله : كلي يادكتورتنا مره ضعيفه

احس اني عرقيت ومررره تلبكت ماتعودت على هذا الجو ابدا ...
ابتسمت بلطف: مشكوره ...

وحلفت بداخلي اول واخر مره اطلع احس بضيقه لان ريماس الخايسه مو معي وانا لوحدي مع الناس بدون ماكون دكتورتهم ...
آآه ياريماس وينك وين احمد ..؟

.................................
*****
.................................

سجى اخذت شموخ معها للغرفه اللي جالسه فيها وعود علشان تتعدل ..وكانت مسووووطه بالمره بشموخ لانها وجه اجتماعي يرفع الراس ..

شموخ بدلع وهي تكلم سجى بدون ماتسلم على وعود او حتى تناظرها : سجو بيبي قولي لهم يجيبواا لي مويه بالمره عطشانه والا اقولك انتظري ..- اشرت على روز بتعالي - give my water
(( جيبي لي مويه ))

روز: yes

₪× وعود ×₪

كنت جالسه وخايفه مره وكل الافكار براسي انفتح الباب وضنيتهم نور وندى لكن فتحت فمي وانا اشوف سجى داخله مع وحده سبحان اللي خلقها مشاء الله عيوني عليها بارده ملكت جمال قليل بحقها ... وحده قمر بمعنى الكلمه طويله وبيضاء وملامحها بسم الله عليها تاخذ العقل ولابسه عدسات رماديه وشعرها صابغه اشقر على بني كذا ونافتحه كثير وكان له لمعه جذابه .. ناظررتها مفهيه وهي شكلها مانتبهت فيني ولاسلمت كان في اكسوار يبرق على شعرها لونه اصفر مع ذهبي ..... مع انها لابسه العبايه مابعد فصختها لكن شكلها يجنننننن ...
لما حكت وبينت اسنانها البيضاء وفص فيهم مثل اللي عند سجى فتحت فمي اكثر صوتها يجنن وطريقة حكيها كشخه لكن مغرررررررررررررررررررروره ..طلعت متعمده ماتسلم علي وماهي بشايفتني اصلا ..

يالله كلمه وحده توصفها (( جميييييييييييييييييييييييييييله ))...

سجى كانت مبسوطه فيها وسمعتها تناديها بينك .. خساره هالحلى واسمها كذا .. شكلها اجنبيه عايشه بالسعوديه .. مع ان وسع عيونهاعربي ...وطريقة كلامها سعوديه مائه بالمئه .. ودلوعه مرره ومايعه اكثر من سجى .. لان سجى شكلها بيبي اما هذي مراءه مثيره مثل مايقولوا في الافلام ههههههه

شربت مويه بلباقه وهي سانده ظهرها بثقه وشموخ وكانها من سيدات المجتمع الراقي ببريطانيا او امريكا .. شكلها بطرانه من صديقات سجى ..

بعد كذا وقفت و فصخت عبايتها ...
كان جسمها مخصر وحلوه بالمره ..انهبلت على شكلها .. فستانها اصفر لونه غريييب ...وموديله كوكتيل يعني مثبت على صدرها بدون خيوط او علاقات .. يبدى من الصدر وينتهي لاخر الظهر .. واضح انها مهتمه بجسمها مره لانه نظيف .. وفستانها طويل وفيه ذيل من ورى يوصل شبرين تقريبا طويل بالمره وفتحه من اول فخذها لاخر الفستان استغفر الله لو انها مالبست هالفستان كان احسن مررره فاصخ وفيه ذيل كله على بعضه حرام .. لكن اللي بجمالها اقل شي يلبسون كذا ...

عطتها شغالتها العطر ""Escada وتعطرت نص القزازه تغريبا .. وسجى على راسها تمدح فيها وبجمالها وهي بكل غرور الارض تضبط مكياجها وشكلها .........كانت تبرق بكل شي ومكياجها ولبسها جرياء ...
بعدها قالت شي لشغالته بالانجليزي بصراحه انا علاقتي بالانجليزي مو مره لكن اللي فهمتها اجلسي هنا لحد ماناديك ...

طلعت مع سجى وانا لحد هاللحين اناظرها مفهيه ماقدرت ارفع عيوني عنها لامها جذابه مره هذي لو شافها رجال وش قال ..؟

اموت واعرف وش اسمها ومن بنته ...

..........................
**********************
...........................

شموخ ماكانت مثل ماتبين انها ماشافت وعود لا كانت شايفتها وكويس بعد ...
لمحتها اول مادخلت وهي دقيقة ملاحه مره .. مافاتها جمال البنت البسيط والملفت للانتباه : سجو من اللي كانت بداخل الغرفه ..

سجى بلامبالاه : العروس وعود ...

شموخ: هذي زوجت رياض – بغيره منها حتى لو كانت مو احلى منها لكن الناس تعجبهم هالاشكال – وع مره شكلها غلط

سجى: غريبه ماما وربى منهبلين علييها ..

شموخ: من هذي اللي لابسه ارتكواز جد ماعندهم نظر توقعتها حلوه ...

سجى: لكن احلى من كاترين مع وجهها ..

شموخ: اسمعي واضح انهم بنات فقر لاتنزلي نفسك لهم

سجى وهذا اللي تفكر فيه: عارفه

.......

طلعت شموخ للقاعه ومعها سجى ... وش اقولكم ..عن الناس لما شافوها .. صحيح البنات الموجدين حلوات وكشخه لكن شموخ لها سحر خاص هاله جذابه ... مغناطيس يجذب .. مشيها شعرها لبسها ابتسامتها ...

هذي اللي قال فيها راشد الماجد ..
(( الله يازين اللي حضرت غطت على كل الحضور ))

نور : ندوووووووووش وجع من هذي اللي مع سجى

ندى تقز شموخ : مادري تهبببببل

نور: مشاء الله ياحلوها وياطولها ..

ندى: هههه شوفي سجى ضاعت قدامها ...

والحريم عيونهم بتطلع

مشت شموخ تتمخطر وشايفه نفسها بالمره ولا كان حد حولها سلمت على ربى من طرف انفها وعلى ام رياض بتعالي لكن ام رياض كانت خاقه عليها وعيونها تقول (( محد بياخذه متعب غيرك .. ))

احلام : وععععععع مغروره

وفاء: طويله بزييياده ..

دانه : الحمدلله والشكر شايفه نفسها ..

شموخ كانت تردد بداخلها ((طبيعي الفت الانظار .. طبيعي اللكل مني يغار ..))

جلست مع بنات الفلان الفلاني .. والعلان العلاني .. من بنات الطبقه الارستقراطيه بالمملكه وكانت احلاهم واتحداهم....

ومن بعيد كانت ام ريوف موجوده وتحتقرها ونفسها تقتلها لكن بنتاتها جلسوا وقالوا لها ماتهتم ..

شموخ : من فساني هذا قصدك ..

وحده من البنات: ايوه مو غريب علي

شموخ: من شانيل ..ماخذ معهم اسبوعين ..

بنت ثانيه : اقول انا شايفته بالفاشن ..

شموخ ماكانت تناظر احد جالسه ومغتره بجمالها وشكلها وكل همها تضحك وتبين جمال ابتسامتها وبالذات مع سجى .. لانها تعز سجى مرره ..

ام رياض قاطعتهم : شموخ

شموخ بدلع : هلا ...

ام رياض: تعالي ابوريك اختي نفسها تشوفك

شموخ : معليش شويه وجائيه

ام رياض انحرجت وسجى استغربت من تصرف شموخ لكن خمنت انها تعامل امها كذا لانها تشكي لها عن معاملة امها

شموخ رفعت حواجبها مستغربه ليه يناظروها كذا ..

ام رياض ابتسمت : خلاص انا عندا لمدخل انتظرك

شموخ بلامبالاه : اوكيه

راحت ام رياض وكملوا سواليف وضحك ...

وبعدها تنازلت شموخ وراحت سلمت على اخت م راض

شموخ: هاااي ...

ام رياض:هذي شموخ اللي حكيت لك عنها ...

ندى ونور بلقافه كانوا واقفين وراهم ومعطينهم ظهرهم ...

ام حامد (( اخت ام رياض)) : مشاء الله كيفك ياشموخ

شموخ بطفش :كويسه ..- اشرت لمكان بعيد- هناك ماما اذا حبه تسلمي عليها انا بجلس مع البنات بااي ..

تركتهم وراحت ..

ام رياض: ها وش رايك

ام حامدمعصبه :وع شايفه نفسها

ام رياض: وراك ياخويتي انا ماقلت عن اخلاقها عن شكله تشرف صح ..؟

ام حامد بغيره لان ام رياض مختاره لعيالها اجمل البنات: هي دلوعه ومايعه وماحسها تركب مع متعب الخشن

ام رياض: لاااا هذي اختيار متعب ...

ام حامد : ماتوقع تقبل بمتعب ..

ام رياض: ههه مو ولد الجازي اللي ينرد ..

ام حامد : ايوه نشوف ..

₪× وعود ×₪

دخلت امي مستعجله ...ومعها نور وندى ..

ام نواف : الزفه بتبداء يله يا عروسه

نزلت مع امي ونور وندى اللي توتروا من توتري ... وقفنا قدام باب كبير علشان ادخل منه لتجمهر الحريم صحيح اني تزوجت من قبل بشس كانوا بيت عمي عدنان ماعندهم ضيوف كثير مثل هالمره .. ولمكانة ام رياض اللكل متشوق يعرف زوجة رياض واختيار امه المتكبره ..

امي لمعت عيناها حزن : مبروك يا وعود

ماقدرت اجاوبها كل اللي افكر فيه اني ماطيح قدام هالكم الغفير من الحريم وبالذات ان فيهم الاعداء وفيهم الاحباب ..

ندى بعصبيه تقول لامي : ليه نادونا دام الرجال بيدخلون قبل

ام نواف: والله مادري مابعد تاكد علينا ام رياض ..

وقفنا شوي وانا احس ان رجلي بتخوني وبطيح من الخوف ..

دخل نواف اخوي يضحك وهو كاشخ بالثوب الجديد : مبروك وعود

هزيت راسي لاني مو قادره احكي بموووت من الرعبه ..

نواف: الناس والرجال كثير بره حتى يعقوب جاء ..

مادري كيف نطقت بصوت عالي ملهوف : يعقوب هنا ..؟

امي وندى ونور ناظروني بيذبحوني لان سجى كانت توها داخله ...

نواف: ايوه مع عمي عدنان ...

سكت وانا منحرجه من سجى .. اللي واضح اني موعاجبتها ..

ندى: خلاص نويف روح هاللحين ..

سجى بغرور : تقول ماما يله بتبدى الموسيقى ادخلي ...

انفتح الباب الكبير وفتحوه ندى ونور
حاولت امشي بتوازن وخفه علشان اعطي للمصوره مجال لتصويري .. مشيت بكعبي العالي وفستان الحريري اللي خل لجسمي تفصيلة مميزه.. حاولت مافكر بشي وماناظر احد علشان مارتبك واطيح
مشيت على انغام اغنية (( وسعوا الملعب لزين العذاره في وصول ..))

من الفاشل اللي اختار هذي الاغنيه العربجيه مرررررره ماتعجبني ... = طبعا متعب اللي منسق الاغاني لام تكون كذا خخخخ

لكن مو مهم المهم افتك من عيون الناس الكثيره
بعد ما جلست

قربت مني ربى وابتسمت بهدوء ...
وهمسة باذني: طالعه قمر
ابتسمت لها لاني كنت ابغى احد يعطيني ثقة بنفسي : تسلمين انتي القمر ..

الحمد لله معاملة ربى تبشر بالخير .

ووقفت نور على يميني واختى ندى على شمالي :آآآآآآآآآآآآآآآآآآآآلللللللللللف الصلاااااااااااااااااااااااه والسلام عليك ياحبيب الله محمد
وعلت اصوات الزغاريد والضحكات والتهندئه والتبريكات ...
تمنيت هواجس حبيبتي تكون معاي وعلشان كذا غرقة عيوني صحيح انها كل شوي داقه لكن وجودها مهم .

ناظرت بالطاوله اللي قبالنا بالضبط ...كانت الكوشه على منصه مرتفعه شوي وكانها نفس مستوى الطاولات ويفصل بينها مسافه قصيره ..شفت البنت الحلوه والغطاء على كتفها مع مجموعه بنات عي احلاها فيهم خفت ان رياض لو يشوفها بالغلط راحت علي هههه .. والا الشقراء اللي معهم شكلها لبناني مره ...شكلها كوافيره = طبعا كنت كاترين

التفت لاختي ريم اللي تضحك من داخل قلبها... من زمان ماشفتها مبسوطه ومزهوه بنفسها كذا من قبل :ندى

دنقت ندى ظهرها الي : هلا وعوده بغيتي شي

ترددت قبل ماسالها : من هذولا اللي بالطاوله الكبيره.؟

لما كانت ندى بترف راسها تناظر قلتها بسرعه : لاتلتفتين يالهبله ..؟مابغاهم يحسون ..؟

ندى: هذولاء بنات خالة رياض ومعهم هذي المزيونه شموخ الفارس تهبل صح وهذي شكلها كوافيره او وصيفتهم اللبنانيه ..

ندى كملت باستهزاء : شوفي ام زوجك جايه عندنا

رفعت راسي شفت خالتي الجازي ام رياض تمشي كمثل الطاوس معتزه بنفسها .. مشت وكانها بنت العشرين ما
لفت راسها لجهة احدهم.... بس كانت تناظر بتكبر ومن طرف عينها
قتربت مننا وقالت بهمس ونبرة متعاليه :رياض بيدخل استعدوا
ام رياض ومادراك ما ام رياض....
هذا مت به اختي ندى بد ماراحت هالعجوز المغروره ..ولو انه بوقت ثاني كان مت من لكن اللي فيني مكفيني ..

.....................
*********
..................

₪× رياض ×₪

جاءني اخوي متعب وكشرته بتشق وجهه من الضحك وبيده سبحه وقالي بطريقته العربجيه كانه بيدخل بهوشه : يله قم علشان تدخل تشبك المراءه

طبعا كان يقصد البس وعود الشبكه عليه مصطلحات يبغالها ترجمه ...: اوكيه يله

نواف : وانا بدخل معك

المشكله هاللحين ماقدر اتراجع ابدا ..كان بودي اربط بشتي وهرب من هنا بلا زواج بلا نيله ابغى ارجع لحبيبتي كاترين ...

*****************

₪× يعقوب ×₪

انا جالس احترق من داخل وضايقه فيني الدنيا ... احس اني بموت بنفجر من ابتسامات المغرور ولدي عمي رياض اخر شي توقعته انها تتزوج وتنساني .. لا وبكل سهوله من ولد عمي الثاني ..
مبهوره بمركزه واسمه ..

تنهدت وانا اسمع متعب ينادي اخوه يدخل لعندها يلبسها الشبكه تذكرت جميلتي وحبيبتي وعود بيوم ملكتنا .. وحسيت بالقهر جد معقوله تكون لغيري ..
ضبطت اعصابي وجلست اجمال وانا اخاف ابكي .. والله حسيت ان نفسي ابكى وانا اشوف رياض يمشي بشته وكشخته لداخل عند الحريم ومعه عمي حمد ...

ماقدرت استحمل اكثر واخذت سيارتي وطلعت اتمشى بالسياره قبال البحر واناجي القمر ...

واول ماطرى على بالي فيديو كليب اغنية من قال انت تعبر عن حالتي انا حالتي بالضبط ...

ياما ضحكنا عليه انا وعود ومادرينا ان حنا بكون واقع ...

خلاص انا بسافر من هنا بطلع من السعوديه فتره اهرب فيها من وعود ويمكن اقابل من تنسيني روحي اللي اخذها رياض بكل سهوله وغرور ..

(( من قال لك اني بالبعد مرتاح ..كذاب وخذ مني العلوم الاكيده ...
مهموم وطول الوقت والحال ياصاح ..كل يوم في ناقص ولا شي فيذا....))

............................

₪× وعود ×₪

وقفت وانا اسمع موسيقى اللي تسبق دخول زوجي رياض واللي يحق لي اقول حبيبي رياض
..ابتسمت وانا اتخيله اكيد انه وسيم مثل الصور .. مسكت ايد نور
: نوييييييييير خايفه

ضحكت نور من تحت برقع الوجه.. هي تدري اني ماقول لها نويييير كذا الا عند الطوارى :ههههه لاتخافين حنا والناس كلها هنا

انفتح الباب ودخل رياض كان طويل وسيم شوي .. تميز بين اللكل ببشته ..كان ابوي حبيبي يمسك ايده يوصله لي كانه يقول هذا امانه حافظ عليها ..
ناظرته وناظرني التقت نظراتنا حسيت بالحياء الشديد ... لفيت عنه اناظر ابوي بعد قلبي كان متوتر وعيونه مغرقه ماكان بملكتي من يعقوب كذا اكيد لانه مو متعود على رياض ولاني بعيش بالرياض خايف علي .......

شفته يوقف قدامي ويطبع على جبيني قبلة باره وجافه ما حسيت فيها .. حسيت بدقات قلبي تتوقف وان الكون حوولي يدور تمنيت ان تنشق الارض تبلعني مش هنا قدام ابوي واخواتي والناس كلهم ...
يعقوب ماسواها .. يالله انسي يعقوب خلاص هاللحين رياض ...وببببببببس

سمعت صوت ام رياض ورى عبائتها تطلب منه يلبسني الشبكه

مادري ليه حسيت بالفخر وارتسمت على شفايفي ابتسامه متوتره

*****************************

₪× رياض ×₪

مافي مجال لتراجع ابدا امي قالت لي البسها الشبكه ..
بصراحه اول مادخلت ماقدرت اشوفها لاني ضعيف نظر والبس نظاره طبيه .. وماشوف من بعيد ...
اساسا كنت اناظر ابغى اشوف عيونها ماقدرت تلفت ادور على مكان كاترين انا عارف انها هنا ومتضايقه مره ..بعد حياتي كلها نفسي اترك كل شي علشانها ..
لما قربت منها ماناظرت بوجهها كويس لاني سمعت صوت كاترين تقول لسجى : فين بيك ..؟!

بستها مستعجل ابغى الف على صوت كاترين وين جالسه ..

بيني وبينكم ..مابغى البسها شي .. مابغى اقرب منها انا اكرهها ومابغاها كنت بصرخ انتي طالق ماعجبتني مثل وصف امي وربى على الفاضي اي جمال يحكون عنه ياليت معي نظارتي اشوفها كويس ...
قربت منها وانا مرتبك انااحس بعيون حبيبتي كاترين اللي تتعذب ..احس انها تنقتل مثل ما نقتلت انا لما فكرت بغباء اوافق وانتقم ..

نبهني صوت المراءه الوحيده اللي ماتلبس عباءه صوت ام وعود زوجة عمي حمد ابتسمت ابتسامة سمحه : ياوليدي لبسها الخاتم قبل ...

عملت اللي طلبته وكانت الكاميرا توقف قدامي ..مسكت بيدها البارده المرتجفه ... يالله يدي عملاقه بالنسبه ليديها الصغيره .. وبشرتي صارت سمراء حمراء ..
قدام بياض بشرتها الصارخ ..دخلت الخاتم وانا احس بصوت تنفسها المرتفع من الخوف ..اخاف اسمع صوت دقات قلبها بعد شوي ..
ما قدرت ابتسام وانا ارفع راسي انظارها وهي مثل الواقف في صلاته بخشوع ما رفعت راسها ابدا ..

خذت وعود الخاتم من يد امها علشان تلبسني اياه .. كانت مرتبكه لكن صوت اخوها نواف اربكها : ايوه وش عندها دوعود بتلبس الخاتم رياض الدبله

اشتدت ربكتها وطاح الخاتم من ايدها على الارض .. وصار يتدحرج لطاولة الكبيره شوي ..
التفتنا لمكان الخاتم .. حسيت بدقات قلبي توقف لما جئت عينوني على عيون حبيتي كاترين كانت بدون غطاء عرفتها ومستحيل ماعرفها ابتسمت لها باسف ...

كانت تارك الغطاء الاسود المطرز بالاحمروالذهبي على كتفها ... هذا الغطاء اللي اشتريناه سوا من سفرنا للامارات
شفت الدموع تملاء عينوها ..اكيد زعلانه مثل ماضنيت

****************

₪× وعــود ×₪

سمعت وقرات كثير ان الخاتم اذا طاح نذير شؤم .. حسيت بالخوف لفكرت ان شي بيصيربعد ماطاح الخاتم ...يالله انا بلهاء ايش بيقول عني رياض هاللحين .. لعنت اخوي نواف بداخلي هذا مو وقت مزاحه ..
لا والاخ رياض يتبسم لهذي اللبنانيه شكل عيونه زايقه .. او يمكن يبتسم لسجى ..اللي معها بالطاوله حمدت ربي ان هذي المزيونه مغطيه وجهها ..

وقفت اللبنانيه بكل جراءه ...وتقدمت عندنا بتعطينا الخاتم .. وقفتها ندى وهي تسحب منها الخاتم بقهر اكيد تفكر باللي فكرت فيه ...
ندى بدون نفس: مشكوره خلاص اجلسي وغطي وجهك ..

كنت بضحك على اسلوب ندى بس سكت لان اللبنانيه وجهها تغير ....
لبسته الخاتم وانا بموت حياء ... جلسنا كل بكرسيه والكاميرا تتصورنا
شكل زوجي خجول لانه يناظر بطاولة سجى على طول والله شكله يناظر باللبنانيه مو سجى ... كنت ابغى واحد جرياء مثل يعقوب ينجن بي ..يصرخ بحبي او اعجاب فيني ..شكله سايلنت طول السنه ههههه

حسيت بالاثاره وانا اسمع موسيقى ... ماكنت احلم فيها {رياض و وعود **.. اسمانا موسيقيه ..هههههههه .. احس بمشاعر مختلطه الفرح و الغرابه والاثاره والفرح

****************************

بعدت عيوني عن عيون كاترين الحزينه
ناظرت الطاولة اللي جابتها سجى وفيها كيكه طبقتين من الشكولاته وعليها اسمانا مثل الموسيقى ...

مدت لي السيف علشان قطع مع عروستي اللي ماشفتت وجهها كويس ... لا لاتضنوا اني اكذب مهما ناظرتها مادققت لان كل تفكيري بكاترين ...
سمعت صوت زوجتي الاثيري والناعم : نواف
التفت مستغرب اشوف الشفايف اللي نطقت الاسم بكل رقه
نواف : هلا ..وشفيك مانسيت السيف
ابتسمت بخجل وتراجعت عن اللي كانت بتقوله لانها حست بنظراتي ...يالله شفايفها مثل التوت صغيرات رقيقه ..

عمي حمد قاطع افكاري: اذا ثقيل السيف وتحب اساعدك

ابتسمت لتعليقه لاني كنت اقز ببنته اخذت السيف وحطيت ايدي على يدها .. الى هاللحين ايديها باردة ...

قطعنا الكيكه سوا مسكت بالشوكه وخذت قطعه صغيره كثير علشان تناسب شفايفها التوتيه ...كنت اتمنى ان عطيها ا السم ..اخذت الكيكه برقه وابتسمت لي .. ما حسيت بنفسي الا ابتسم لها رد لابتسامتها ..مسكت هي الشكوه وقطعت قطعة مثل حجم قطعتي وعطتني اياها ماكنت ابغاها اساسا ماحسيت بطعمها هو شوكلاته والا فانبيلا

شربتها العصير بارتباك واللكل يناظر رشفت شوي مايوصل لبلعومها حتى ...
وابعدت الكاس يالله شكل مالي شغل الا شفايفها التوت اليوم سبحان الله شفايفها ناعمه رقيقه ..

قلت اني مابغاها تشربني .. لاني خايف تكته على مثل الخاتم ههههه هههههههه احس بالشماته لانه طاح عند رجلي حبيبتي .. كنت ابغاها هالمغروره هذي اللي ردتني انها تحت رجلين حياتي كاترين ...وانها ما تعني لي شيء ...

**************

بعدها جلسوا المعاريس بكراسيهم للفرجاء ... والناس تناظرهم ..

شموخ : رياض اخوك ازين بكثير

سجى : عارفه يا بينك وهذا اللي قاهرني ..

شموخ : شوفي كاترين ولا هامها

سجى: ايوه الحقيره اللي يهمها الفلوس ...

................................

نور وندى مبسوطين ويتضحكون على شكل وعود المستحيه مره

ندى : هههههههههه الحمدلله ان في كامميرا تصورها ههههه

نور: مسكينه وجهها احمررررر ..

ندى: بس الخايس رياض حلو ولد عمي

نور : مو مره شوفي عيونه صغار مره وكل شي فيه صغير

ندى: احلى ...

نور: لا والله يعقوب ازين بكثير.. حتى سامي اللي كان يوصلنا يغطي عليهم

ندى: وش اللي طراه عليك هاللحين

نور: مادري تخيلته بيكون مثل كشخة رياض بس ..

ندى: لاااا وع هذاك مع وجه ثياب وكاب ويخب عليه

قاطعتهم سجى وهي تمر : شووي ..

نوربدلع تقلدها : تفضلللي ..

مشت سجى ترقص عند اخوها وعروسته ..

(( كل المزايين كلهم
كل الرابح كلهم ...
ولا فرق الله شملهم ..
ويازين رياض بينهم ...
ورياض لاتخلونه ...
وشيله مايشيلونه ..

عيال الرابح خياله
وعليهم رزت الرايه ..

رياض ضحك على حركات اخته سجى وهي توقفه يرقص ..: هههههه .. ههههه لاااا لاااا سجى ...

سجى : يلللللله

رياض: لا والله سجو

سجى تركته وكملت رقص

(( كل المزايين كلهم
كل الرابح كلهم ...
ولا فرق الله شملهم ..
ويازين وعود بينهم ...
وعود لاتخلونها ...
وشيلها مايشيلونها ..

عيال الرابح خياله
وعليهم رزت الرايه ..

بو نواف مسك سجى من ايدها يرقصون هي انبسطت لانها ماتشوفه دايم اخر مره كان بمتوسط

(( كل المزايين كلهم
كل الرابح كلهم ...
ولا فرق الله شملهم ..

اشرت لطاقه ربى قولي حمد وسجى ...

ويازين حمد بينهم ...
وحمد لاتخلونه ...
وشيله مايشيلونه ..

عيال الرابح خياله
وعليهم رزت الرايه ..

ولما قالت يازين سجى بينهم ..

لفت سجى على نفسها وبشعرها بدلع كانت مبسوطه اللكل يناظرها والكاميرا تصورها بس هي ...

(( كل المزايين كلهم
كل الرابح كلهم ...
ولا فرق الله شملهم ..
ويازين سجى بينهم ...
وسجى لاتخلونها ...
وشيلها مايشيلونها ..

عيال الرابح خياله
وعليهم رزت الرايه ..

انبسطت عليها الطقاقه وصارت تزيد باسم سجى لان ام رياض نقطتهم بالالف ....

بعد كم قه وترقص سجى وهبالها ...

.........................

طلع رياض مع وعود علشان يجلسوا سوا شوي ..بعد ماكلت سجى الجو واللكل سال عنها ..

رياض جلس لوحده معها بالغرفه بعد التصوير وهو متوهق وش يقول ..وصورة كاترين لحد هاللحين بباله لكن رد كرامته كان اكبر من كذا قرر يحسسها انها مو جميله او حتى حد يناظر فيها

ناظر فيها وهي جالسه بعيد : ليه جالسه بعيد

وعود (( لاااا ماصدق واخيرا نطق لووووووووووللللل شكله ثقيل دم وين ايام يعقوب جلس يسولف معي ومانفسه يطلع اما هذا وده يركض ))

كرر سواله مرة ثانيه: ليه جالسه بعيد..- باستهزاء - لاتستحي انا زوجك

"زوجك " يارب ساعدني بموووت من الحياء مع اني حسيته يستهزاء فيني لكن تعوذت من الشيطان

حب يغير رياض الموضوع لانه حمد ربه انها جلسه بعيد : انتي اي سنه تدرسين

وعود (( شدعوه مايعرف اني مخلصه ثانويه واشتغل بالمدرسه شكله يستهبل علي او يدور سالفه ...))

تكلمت بخجل وصوت منخفض انا ماسمعته
: انا جالسه بالبيت

وعود ماتدري ليه كذبت كذا .. كانت بتموت من الضحك على وجهه اللي تغير من كذبتها اكيد يعرف (( ههههههه فشيله وش بيقول عني اول مره تجلس معي وتكذب ...))

تداركت الموضوع قبل لايتكلم وقالت بخجل وهي ماتتجراء تناظره : اقصد اشتغل بمدرسه ثانويه

رفع حواجبه مشكك اي كلام قالت يصدق ... هو مايدري انها تدرس او جالسه بالبيت لانه باختصار ماسال وخمن انها بالثانويه .. وشكلها يقول بالجامعه

وعود ( ياربي ساعدني وخله يفهم موقفي )

رياض : بايش تدرسين

وعود (( وع اسائلته مثل وجهه ...مايعرف يتكلم )) بهمس : بالحاسب

رياض باستهبال : سوري ماسمعت وش قلتي

طلعت صوتها مثل المخنوقه: حاسب

قال بتحقير : حاسب ..

كان نفسها تاخذ وجهه وتمسح فيه الارض من اول ماجلس مغرور معقوله هو كذا والا بس هاللحين لانه اكيد مرتبك مثلها ...

وعود: ايوه حاسب ..

رياض : دامه حاسب ليه توظفتي ماتسوى هالكم ريال اللي تاخذيه .. هذي وظيفه مالها داعي ...

وعود رفعت راسها تناظره وش يقصد بكلامه هذا يتريق علي يعني مايغرف اننا نحتاج القرش قالت له بشجاعه مو من طبعها : شكلك ناسي ان عمك فراش – شدد على عمك فراش – في موسسه .. يعني مايكفيه راتبه

رياض استغرب من ردة فعلها لهالدرجه قهرها ابتسم بتعالي : اها فراش توني اعرف منك اللي اعرفه انه بوظيفه عادي مره مو فراش ... ماقصد التحقير لكن (( على غرورك يقولوا ابوك وزير = هذا اللي كان نفسه يقوله لكن سكت لان شكلها عصبت وهو ينتظرها تكون ببيته وبس )) لكن انا تزوجتك ومايهمني وش وظيفتك او وظيفة عمي انا ادور على النسب السنع

وعود ارتاحت من رده لانها خافت تكمل حياتها مع مغرور ..

تكلموا بعدها في ا اشياء سطحيه .. وكان في حاجز كبير بينهم ومسافات ...وماندمجوا بالسوالسيف ابدااا

لان رياض كل نص ساعه يناظر بساعته وكانه يبغى يطلع ..

......................................

اما عند الرجال كان متعب يمووووت ويدخل يشوف شموخ وغث سجى كل دقيقه داق عليها ...

شموخ : وبعدين مع جوالك هذا

سجى : ماعليك منه بس وتعالي نرقص معهم ...

متعب : سجــــــــــــــــــــــــــــــــــووووو الغبيه ..

تركي : سلامات بو الهش من اللي سجنوه هذا

متعب معصب : الزفته اختي من ساعه ادق عليها ..وماترد

مااجد: تبغاها ضروري

متعب: ايووه ماتخليني اشوفها

تركي : بو الهش تراك طفشتنا وش قصتك اليوم قل كلمتين على بعض مفهومه...

متعب متاكد انه لو يقول عن الحب او الاعجاب عندالعرابجه عيب : لااا بس كنت ابغاها ضروري ...

ماجد: اقول اترك عنك سواليف الحريم ويله نطلع للهاف مون دامنا بالشرقيه ...

متعب: لاتخافوا حجزت لنا اسبوع ننبسط

تركي: لاااا انا وراي جريده يكفي اليوم قدرت اصرفها ..

موضوع: تاااااااابع الخميس يونيو 05, 2008 3:05 pm

₪× شـموخ ـ ×₪

كنت جالسه ومسنده ظهري على الكرسي كاعجبنتي الملكه ابدا لاني باختصار ماحصلت اللي تنافسني بجمالي الا يمكن العروسه بشعرها بس مع انه مو حلو كثير....

تعودت على نظرات اللكل واعجابهم بجمالي ... اللي احسه نادر ...انقهرت من شغله لما سجى صارت ترقص واللكل صرخ فيها اعجاب كان بودي اقوم ارقص علشاان اخليهم يبسوها لكن اخوها وعمها وابوها هنا .. امم وش اقولك عن ابوها واضح انه يعزها ويموت فيها وهي فجرت اذني بدادي ودادي .. لو ماني اعزها واحبها كان قلعت هذا الدادي من بيتهم وخليته لي ... مثل مانا ناويه اخذ لوي زوج ريهام .. لانها ماتستاهله ..وهو بيكون لي انا وبس ...
لان فلوسه ماتستاهل الا جمال بينك ...
دق جوال سجى مليون مره وكان متعب اخوها يتصل انا حاسه بنظرات ام رياض لي وتبغاني لو لدها ....

اسم ومركز وظيفه محترمه وسمعت من سجى اكثر من مره ان املاك ابوه كلها باسمه لانه زعلان على رياض ومراح يعطيه ولا ريال يعني لو قبلت فيه اباخذ كل فلوس الرباح وفلوس المعزه .. اهل ام رياض هم مسلمين ارقابهم لابو رياض وهو سلم نفسه لمتعب انا بالاول والاخير بستفيد ...
لا واللي بستفيد منه اكثر القصر الخيالي اللي ساكنينه بالرياض ابسكن فيه انا ...

رجع يدق جوال سجى وهي مشغوله مع اخوها علشان يدخلون للغرفه ...

رديت بصوت غجري وانا متعمده : الو ..

متعب وجهه تغير هذا موصوت اخته : سجى ..

ههههه مسكينه شكله خاف : لا سجو جوا من تبغاها ضروري..

متعب ناظر بالشباب مرتبك ..: ها ايوه لا ..

شموخ : هههه اذا عرفت ضروري والا لا دق عليها ..

سكرت بوجهه السماعه كان اختبار مني له واضح انه خفيف بالمره ... يعني ماينفع .. الا ينفع ..

جاءت سجى مبسوطه : هااي تاخرت صح ..

: سجو جوالك اقلقني يدق كثير ... رديت وقلتله انك موهنا

سجى : ماعليك منه وتعالي نرقص ..

قمنا نرقص وانا اتميل بجسمي يمين ويسار وماما نقطت الطقاقه علشان تقول اسمي ..وتغير الدق اللي تناسب رقصي وهذا قهر ناس كثر م اني وبصراحه ماني بشايفه احد حتى مادري من البنات الموجودين او سلمت عليهم ..

غمضت عيوني وانا ارقص وشفت شكل ريان الهم وهو يقولي ((ولسى ماشفتي شي .. مراح ارتاح الا وانتي طالعه من حياتنا ...))

ارتعش جسمي وانا اتذكر كلماته وقسوته وهو يضرب بطني اخاف يقتلني او يشوهني هذا مجنون ويعملها وهذا اللي بيخليني اوافق على متعب ....

سجى قربت مني: يله بينك كملي ليه وقفتي ..؟

شموخ : لااا سلامتك بس برتاح تعبت ...

رجعت جلست مكاني وانا ابتسم بخبث لازم اخلي متعب يتعلق فيني ويشوفني بكل كشختي ...

مسكت جوال سجى وارسلت لمتعب (( متعب تعال عند المدخل ضروري ))

ومسحت المسج بعدها ..

ابتسمت وانا امشي للمدخل بغرور واللكل يناظرني ....

اخذت جوالي وحطيت على السايلنت وعملت حالي احكي بالتلفون

..................................
*********************
...................................

₪× متعب ×₪

جلست افكر بصوت الدلع اللي ردت علي ياحلو صوتها يحرك المشاعر من جوا ...

اكييد انها وحده من بنات خالي ... لازم اسال سجى ..على قولتها سجو عنها .....

دق جوالي برساله ..من سجى ...

(( متعب تعل عند المدخل ضروري ))

يؤؤؤؤؤ يمكن الله حنن قلبها علي وتخليني اقابل الناقه الصفراء ..... والا بسالها عن اللي ردت علي ...

عدلت من شكلي بالشماغه .. ومشيت لعند المدخل ..

دخلت بعد مابعدت البرين عن وجهي ياحبي للبزارين ...

دخلت وقفت لثواني كل شي فيني متجمد .. شفتها شفت الناقه الصفراء بعد لابسه اصفر عرفتها من عيونها وشعرها .. يالبيه هالحلاء كله ...

حسيت ان التكيف عطل او حد طفاه جسمي صار حار وقلب دق لهالقمر المندمج بالتلفون وهي تعدل شكلها بالمرايه واضح انها مانتبهت فيني .. تمقلتها من وفقها لتحتها طالعه قمر ...
والا فستانها آآه ياهو حلو جسمها صحيح انها فاصخه كل شي بس قمر وعسل ..

لفت بدلع مانخلق الا لها وبعدت شعرها عن كتفها بس شافتني ...شهقت وانا وسعت الابتسامه لحد مابينت اسناني اللي ورى خخخخ

رفعت فستانها مثل حركات الاميرات وسندريلا ...ودخلت لداخل بسرعه ياقلبي عليها بنت اصل وناس ماووقفت تناظرني وتتمقل مثل بنات خوالي ..
اخلاق وادب وجمال والله ماتطير من ايدي وانا بو الهش .....

انتظرت سجى ثث دقايق بعدها رجعت لشباب وانا مسحور بحلاها ...الله يحفظها لي ..

تركي: ياهووووووه بو الهش

قلت له بصوت حالم : هلا ...

ماجد يقلدني وهو ميت من الضحك : هلاااا هههههههههه

متعب: قوموا العشاء بس قوموا ...

الله وحده بس يعلم بحالتي هذاك اليوم .. والله لو تقبل فيني لاجيب لها النجوم لعندها ....

والله مانام الليله الا ماكد على امي تخطبها لي ...

*************************************
عشاق من احفاد الشيطان ... روايه رومنسيه ... خياليه
*****************************************

اليوم الثاني الساعه ...
3 العصر .

نجلاء لبست عبايتها واخذت شنطتها الجديده ومعها برقع هي من النادر تتبرقع بس تحط غطاء على وجهها لكن ماتبغى احد يعرفها ...

كان الطريق طويل للمستشفى عدت لثواني وكانهم ساعات قلبها يدق بسرعه وهي تدخل مكان صارت منبوذه فيه ..

وقفت عند اقرب محل شكولاته واخذت له شوكلاته ورد احمر من النوع المحبب لقلبها ...

دخلت مثل اي مريضه للمستشفى وعلى طول بدون ماتحاكي احد كانت عند باب غرفته .. غرفة حبيب القلب احمد ...دقت الباب بنعومه ...

ماسمعت رد دقت مره ثنتين ثلاثه خافت فتحت الباب شافت الغرفه فاضيه كانت بتنجن غرقة عيونها وركضت لعند الرسيبشن وسالتهم عن المريض : احمد سعود ..

قالوا لها انه من اسبوعين انتقل لغرفه 488 .. حطت ايدها على هذي الغرف للحالات المياوس منها وتنتظر الموت

ركضت بسرعه للاصنصيل ولدور " 5 "...

وقفت عن الباب تاخذ نفس وتضبط اعصابها المتوتره مره ونفسها تعرف وش صار له وليه تراجعت حالته لهذي الدرجه ..
دقت الباب بهدوء وايدها ترجف وقلبها يدق بجنون ..ومسكت الورد بقوه

احمد يعرف هالدقه يميز هالاصابع اللي تدق بهالطريقه نجلاء وكان ينتظر الكم ساعه اللي تفضى فيهم علشان يسمع هالدقه ويضحك وينبسط ...ضحك على نفسه لحد هاللحين منتظرها تدخل بالبالطوا الابيض وتبتسم ...رد ب صوته الطفشان : ادخل

ابتسمت وحشها اسلوبه الجاف فتحت الباب ودخلت سكرته وراها

احمد كان يناظر بالجدار طفشان وتعبان ولان مرضه زاد بالفتره الاخيره بسبب الحاله النفسيه وكثرة العمليات اللي يعملها مشعل وبابشع الطرق والتجرد من الانسانيه والقسم الطبي .. شخص مشعل احمد تشخيصين خطاء من حقده عليه وعمل له عمليات اخرت من صحته..كثير وضعفت قلبه اكثر ..

كانت الغرفه من النوع الخاص والمميز شوي يعني غير عن هذي الغرفه بدكيورها وانها تطل على حديقة المستشفى ..

احمد ناظرها بتعب وهو ساند راسه استغرب من هذي المبرقعه ومكحله عيونها .... شكلها غلطانه بالغرفه قال بصوت مبحووح مره : لو سمحتي شكلك غلطانه ...

نجلاء ماستحملت تشوف شكله كذا او تسمع صوته التعبان وكانه يلفظ انفاسه الاخيره .. بكت .. وشهقت بالبكي حتى الورد والشوكلاته طاحوا بالارض ..

احمد استغرب حاولت يعطل بنفسه : اختي ايش فيك ..؟ انا

قاطعته نجلاء وهي ترفع البرقع عن وجهها ...

احمد قال بتقطيع : نج..لا.... ء

نجلاء بكت من قلب وهي تشوف احمد كانت انانيه بهروبها السخيف مرره ...وماله مبرر : انا ..اس...فه ..

احمد سكت يناظرها اول مره يشوفها تبكي واول مره يشوف شكلها بالمكياج يعني فتره غيابها هذي مالها مبرر الا تسنع من شكلها .. لف مقهور يناظر قدام وقال بجفاء: ايش جابك ..؟

نجلاء اخت الورد والشوكلاته من الارض ومشت بخطوات متردده وهي تبكي لعند سرير احمد .. مسحت دموعها بتوتر حاولت تكون قويه على قد ماتقدر ..علشان احمد محتاجها قويه واللي فيه مكفيه ..حطت الورد بداخل القزازه الفاضيه ...

احمد ماقدر الا يناظرها وهو مشتاق لها نفسه يشكي لها الموت اللي يشوفه كل يوم مع العمليات والتعب .... وكيف اهله ماعادوا يجون له مثل قبل وكانهم ملوا .. وان التلفون ممنوع عنه علشان قلبه = هذي التلفون كذبه من مشعل بس علشان مايوصل لنجلاء ..

نجلاء: احم احم .. كيفك ..؟

احمد ناظرها بعتاب وهو ساكت ..

نجلاء جلست عند سرير وقالت برجاء: بليز احمد لاتناظرني كذا انا مره علي ظروف مايعلم فيها الا الله

احمد ناظر بكحلها السايل وقال باستهاء: واضح ..... من المكياج اللي عليك..

نجلاء: احمد انت مو فاهم شي ..انا طلعت من المستشفى لاني ضعيفه وماقدرت اتحمل

احمد: لهذي الدرجه الجلسه معي ثقيله ..ماقدرتي تتحملي

نجلاء بكت وغطت وجهها بيدها :.........

احمد حن قلبه عليها تكسر الخاطر مرره كانت متغيره كثير بدون جديتها صايره حساسه وعيونها فيها حلم ..تضايق عليها وحس بقلبه ينقبض مسكه بقوه : آآه

نجلاء سمعت صوت جهاز القلب وهي تسرع وتتخلبط وصوت احمد اللي يتالم .. رفعت راسها بسرعه ومسكت ايده : لاااا تكفى احمد لااا والله مايسوى اعيش بدونك تكفى ارتاح

احمد كان يناظرها ويحس ضباب وصوتها بعيد نطق وهو يرتجف : نجلاء ..

نجلاء بسرعه مسكته بقوه وقربت من عند وجهه تحسسه بوجودها هي عارفه لههذي الحالات : احمد انا هنا .. احمد ناظرني انا بجنبك .

احمد تنفس بصعوبه وبدء جسمه يرتخي وترجع دقات قلبه طبيعيه ..

بعد دقايق ارتاح ورجع طبيعي

نجلاء عطته مويه شربها : خوفتني عليك

ابتسم لها مابقى له الا ساعات معدوده بالحياء ليه يرحل وهم زعلانين من بعض .. كانت اول حب صادق بحياته وابرء بنت شافها حرام يضلمها ويظلم نفسه : جد خفتي علي

نجلاء حمرت خدودها بين دموعها وقالت بهمس : اكيد

احمد : هههههه ليه وجهك احمر كذا

نجلاء مسحت دموعها بسرعه : من البكي ..

احمد بخبث: اكيد ياهتلر ..

تذكرت كتاب هتلر وصارت تضحك: هههه

احمد بحنان وجديه : والله قريته كله مرتين وثلاثه علشان ترجع واناقشه معك واعرفك ميولك لكنك طولتي

نجلاء: هههه غثيت نفسك على الفاضي هههه

احمد : لااا مبسوطه بعد

نجلاء : والله يا احمد مانقطعت اللعب والا علشان شي سخيف ..هم اتهموني بسمعتي هنا بالمستشفى و

حكت له كل شي .....حتى عن ابو مشعل ....

احمد سكت يسمعها وهو مصدقها ومستحيل يفكر حتى يشك فيها ..

بعد ما خلصت : لاتبكي .. لاتضايقي نفسك مافي شي يضيع عند ربك ...

نجلاء هدت شوي لكن لحد هاللحين دموعها تنزل: قهروني محد صدقني الا دكتور مشعل وبلاخير طلع ابوه نذل

احمد : خلاص حبيبتي لاتضايقي نفسك

نجلاء ابتسمت اول مره يقولها حبيبتي وقلبها وصل لحلقه واللي يربكها انها تشوف دقات قلبه وتحس فيهم كيف يدقوا بسرعه لها : .....

احمد: هاللحين قولي لي ليه تبكين علشان خاطري اسكتي

نجلاء بلعت ريقها واخذت نفس تهدي اعصابه .. وقررت تقوله عن الفكره اللي اخطرت لها فجاءه : احمد

احمد ابتسم بهدوء : عيونه

نجلاء ماتعرف ترد على حكيه الحلو والا وش تسوي سكتت ونسيت اللي بتقوله ...

احمد: ايوه آآآآمري .. تدللي

نجلاء استحت اكثر : يؤؤؤؤؤؤؤ احمد خلاص ماعرف احكي كذا

احمد: هههه اوكيه – حط ايده على فمه – ابسكت ..

نجلاء: لا مو كذا تخنق نفسك ..

احمد يمثل العصبيه : نجلاء بذبحك ترى انطقي

نجلاء: هههه خلاص بقول – بتردد كثير- اوعدني حتى لو ماعجبك اللي قلته مايتغير شي

احمد: اصلا اي شي تقوليه يعجبني واومر لي ..

نجلاء ناظرت للجه الثانيه ومدت بوزها ..

احمد: هههههه خلاص اوعدك ...

نجلاء من غير لاتناظره غمضت عيونها بقوه وقالت بشجاعة الدنيا كلها : تتزوجني

احمد بلم شوي توقع اي طلب الا كذا ... لا ماحسها ترخص نفسها هو حاس باللي هي حاسه فيه وعارف انها هي الخسرانه بالاول والاخير من هالزواج ....وانها تحبه وتبغى تساعده لكن تكون بطريقه شرعيه ..

فتحت عيونهابخوف لما طول بالرد .. التفت له ببطى ... شافته يبتسم بخبث وقال لها وهو ماسك ضحكته : يعني اللي افهمه انك تخطبيني

بلعت ريقها وجهها احمررررررررر ...

كمل عليها وهو مستمتع : ترى مهري اربع مئه الف .. وابغى بيت لوحدي بعيد عن اهلك ... وابغى شغاله انتي عارفه انا تعبان ...

نجلاء ضحكت بهستير ياء : هههههههههههه

احمد : ههههههههههه

كانت بتجي احمد نوبه من الضحك علشان كذا سكت وااخذ نفس: عميق ...

نجلالاء خافت عليه ..

احمد كمل وهو يبتسم بعذوبه : لو انك ماقلتي كان انا قلتلك ... لكن خايف انك ماتتحملي .

نجلاء بسرعه : لاااا لاتخاف انا راضيه بكل شي وبالنسبه لسكن انا ااجر شقه من فلوسي وقدمت اوراقي على مستشفى قريبه من الشقه .. واشتريت جهاز القلب وجهزت لك الجو بكل شي

ناظرها مستغرب : متى عملتي كل هذا

نجلاء: مابعد لكن بسوي كذاا ولا تتحسس احمد انت عارف وانا عارفه ان مافي حل الا كذا

سكت احمد شوي يفكر بعدها قال : متى اروح اخطبك من اهلك

نجلاء قالت بسرعه : لااااا .. اقصد مايحتاج انا كبيره وفاهمه ويزوجنا الشيخ ..

احمد استغرب هاللحين جد : ليه ..؟ماتبغيهم يعرفوا كيف بتسكني معي ...؟

نجلاء: لاتخاف انا ادبرها وانا طول وقتي بالمستشفى الجديده اللي انتظر ردهم و بالنسبه لبابا وماما مراح يقبلون انا اعرفهم ..

احمد بضيقه : لاني مريض

نجلاء: لكذا ولااسباب ثانيه اخوي ريان اناني وحقود ومايعجبه الا اختياره هو ...

احمد بضيقه اكثر : مااتحسيه غلط ...

نجلاء لمعت عيونها : انا عارفه انه اكبر غلط بس ماقدر اخسرك اكثر انت تعبان مره وانا بصير تحت رجولك وبخدمك واعالجك ....

احمد ابتسم وحس ان احلى ايامه بتكون معها لانها جد تحبه وتخاف عليه : اوكيه ...

*************************************
عشاق من احفاد الشيطان ... روايه رومنسيه ... خياليه
*****************************************

بروما ...

هواجس : سعودي مالي شغل ابغاها ابغى اشتريها ...

سعود بطولة بال : لاحول ولاقوة الا بالله .. هجوجي حبيبتي توك ماخذه ثلاثه مثلها

هواجس : مالي دخل نسيت ندى والله تذبحني

سعود: مايثير كذا .. كل ثي لك ولبنات عمتك واختك ... ماقد اخذتي لك ثي الا وماخذه لهم والله مايثير ...

هواجس بدلع : بيبي سوسو مستخسر فيني وباهلي ...- حطت البدله – خلاص مشكور ماعاد ابغى منهم شي واللي اخ

قاطعها سعود بسرعه : لا اا خذي راحتك كل ثي فداك ...

هواجس : لااا خلاص اذا بيضايقك مو لازم نطلع ...

خذت شنطتها من طاولة البوتيك وطلعت معصبه .. وقفت بره ...

سعود خاف على زعلها يكفي امس كانت معصبه لانها مو بملكة بنت عمتها اللي غثته فيهم عجبته لان فيها خير باهلها ومانستهم .... حاسب وطلع معه الاكياس وهي واقفه ماده بوزها ...

هواجس : ..............

سعود : اخذتهم لك حبيبتي

هواجس (( شكله ينرحم بس لازم اربيك )): ...........

سعود : خلاث هواجث .. لاتضايقي اخذتهم لك ..

هواجس : بعد ايش بعد ماحسستني اني ماشفت خير ومايهمني الا اهلي .. لا يا سعود انا حتى لو كنت محرومه من هالاشياء ما ط

قاطعها وهو يبسم بشكل مقزز : لااااا مو كذا انا اثف

هواجس رحمته ابتسمت : خلاص رضيت ..هههه ماقدر على كرمك والله

سعود ارتاح : كم هجوجي عندي

هواجس تنهدت هجوجي بعيون ابليس : يله ابغى اكل لي شي وارتاح ...

جلسوا بمطعم داخل المجمع .كانت تمشي مثل البرنسيسه و سعود شايل شنطتها مع الاكياس ...

سعودطلب اللي تبغاه هواجس لانها صارت تعرف الذ الاكلات من الاسبوعين اللي فاتوا ...

هواجس: بيبي سوسو

سعود ينبسط اذا طلعته كذا يرجع كانه شباب: هلا حبيبتي ..؟

هواجس: سوري على الكلام السخيف اللي قلته امس لما كنت معصبه

سعود تنهد : لااا عادي ماخذت عليه لانك معصبه ..بس حبيبتي انا تعبان خلينا نرجع للفندق احسن

هواجس (( ماصدق على الله بدء سواليفه )) : اوكيه اهم شي راحتك ..

رجعوا للفندق وهي مقهوره ومعصبه .. سعود دخل على طول سريره ونام بتعب من امس ماتركته ينام....

دخلت تروشت بسرعه وبدلت ملابسها .. استشورت شعرها بنفس الغرفه ازعاج له وهي متاكده ان نومه ثقيل ولا مدافع الدنيا تصحيه ..مقهوره مره رجعها اليوم بدري مررره ... لا والجو صار على ربيع هالوقت بايطاليا ... يعني مايتفوت ...

حطت غطاء خفيف على شعرها ومناسب لون ملابسها وطلعت من السويت ...

تمشت بالفندق شوي وجلست بالوبي .. اخذت لها كابتشينوا ودقت على وعود .. هي عرفت تفاصيل الملكة اليوم الصباح .. لكن لازم تقول لوعود عن اللي قهرها ...

وعود بهدوء ورزانه : الو ...

هواجس: ههههه لا صايره عاقله ... يعني عروس جد

وعود : هههه هوجد ... لاااا مو كذا اخاف رياض يدق على بيتنا والا شي لان مامعي جوال وماحلاني راده بعربجه ....

هواجس: ههه الله يرحم اي قبل مع يعقوب لعب بلوت

وعود تضايقة : ياذا اليعقوب وبعدين يعني

هواجس: لاااا توبه ابسكت اسمعي انا مقهوره من شايب النحس ...

وعود: بوماهر ليه غريبه ...؟

هواجس: رجعنا هاللحين الفندق يقول تعبان من اول ماشفت وجهه وهو تعبان ...

وعود: انتي ياهواجس ماترحمينه راعي فرق السن ...

هواجس: بلا فرق بلا قرف .. هذا شايب ومايفهم مفروض هاللحين حنا بالمنتزه بمدينة العاب . مبسوطين او حتى بقوارب لكن الاخ بينام

وعود: طيب مايستاهل تعصبي يكفي اللي عملتيه فيه امس طلعتي له قرون من دلعك الزايد

هواجس: وش اسوي اذا شفت وجهه انترفز اضحك مع امي وعمتي وندى ونور واقول مرتاحه معه لكن والله ماحسه زوجي ...

وعود: كيف يعني ...؟

هواجس : وعود انتي كنتي متزوجه ومجربه .. امم كيف اقلك .. اذا لمسني احس بقرف ولمسلته بارده .. يعني ينفع ابوي اللي انحرمت منه لكن زوجي لا ... هو يشتكي دايم انتي ماتحبيني بارده بمشاعرك معي .. مع اني والله اقوله كلام حلو علشان اتقبل انه زوجي او حبيبي ماقدر ..وعود انتي تتصوري شايب كبر جدك حبيبك او عشيقك ...

وعود عورها قلبها على بنت خالها المقهوره : لااا يا هواجس حاسه فيك وعارفه الاحساس لكن مالك الا الصبر ...

هواجس: وانا لي حيله غيره احاول اعوض بنفسي بالفلوس والاكسسورات والملابس ..

وقفت عندها بنوته قصيره وبيضاء وخدودها حمراء ولابسه فستان فوشي وشعرها عاملته اثنين وكان شعرها قصير وناعم وخصل كثيره تغطي جبهتها ..
تمشي بخطوات مرتجفه : التلام اليكم
حركت رموشها لكثيفه والسوداء كثير

هواجس ابتسمت غصب عنها وهي تشوف الصغيره اللي ذكرتها ب "بو " شخصيه بالرسوم المتحركه ..: وعليكم السلام ..

مدت ايدها الصغيره : انا نينا وانتي يا ابله ...؟

هواجس : باي وعود احاكيك بعدين

هواجس انبسطت حصلت شي تضيع فيه الوقت

وعود: اوكيه باي ...

هواجس :انا هواجس وانا مو ابله

لينا رمشت بعيونها ببراءه : بت انتي متل ابلتس بالياد .. (( بس انت مثل ابلتي بالرياض )).

هواجس حطتها على فخدها تسولف معها بدل الطفش وذكرتها بحبيبتها ملاك ... مع ان الفرق كبير لكن تحسها مثلها : انتي من الرياض

لينا بذكاء : لا انا من التعوديه بت بيتنا في الياد
(( لا حنا من السعوديه بس بيتنا بالرياض ))

هواجس : لااا مشاء الله هههه

جاء وقف رجال معصب : لين وينك ...؟

لينا ابتسمت لرجال : بابا هذي ابله هواجس ..

هواجس رفعت راسها وناظرت الرجال ببرود: ............

الرجال : مو انا قايلك لاتتحركي راجع ... سوري يا انسه غثتك لين ...

هواجس بلا مبالا : لا عادي حصل خير

الرجال : الاخت سعوديه

هواجس تنرفزت : لا يمنيه وش رايك يعني اكيد سعوديه ..

الرجال اعتذر بلطف وهو يرفع لينا منها : شكلنا ازعجناك ..جد سوري

هواجس ابتسمت ماله داعي ردت فعلها العنيفه : لا سوري بس انا متنرفزه شوي اسفه ..

بهذا الوقت كان بو ماهر واقف بعيد يناظرها هو خايف عليها وهي مع عشيقها مقرب منها ياخذ البزره وهي تضحك له ...

مشى بسرعه لعندها وصرخ : هواااااااااااجث

ابغى توقعاتكم اشوفكم بالبارتي الجاي على خير ^_^... اختكم : متكحله بدم خاينها