تقدر تروح وتبتعد إن كان يرضي مطمعك

تقدر تروح وتبتعد ..
إن كان يرضي مطمعك ..
لو حب قلبي ما خمد ..
عن حب غيري ممنعك ..
الحب أحلى من الشهد ..
ومن مثلي حبك ودلعك ..
ولا تظن في قلبي أحد ..
يا كيف وهو بنبضه معك ..؟
===================
تكلمني عن الحاظر واكلمها عن النسيان
تبيني بالامل اقنع وانا بيأسي اجاوبها
تبيني بالوهم ابني لاحلام الهوى بنيان
تبيني اكذب الكذبة واصدقها واكذبها
==================
حسبتك غير لكني ندمت اني حسبتك غير
رسمتك صوره حلوه بكل احساس وجداني
رح الله يسامحك ماعاد فيه وقت للتفكير
يجي لك يوم تعرف فيه من يندم على الثاني
======================
ترا حلاة العمر مع من تحبه

شخص تريده من جميع المخاليق

كاس مليته بلوفا تكفى لاتكبه

خله يبلل بلوصل يابس الريق

صبه بقلبي ثم امله وصبه
وان كان ودك غرق القلب تغريق
=====================
~خذ من ضلوعي~
ما يليق بمقامك
ماشوف غيـرك
غالي في ضلوعي

~ خذ قلبي ~
ولعته بدنيا غرامك
عبر بفرحة
شوفتك بالدموعـي

~تسري بي الذكرى~
لماضي كلامك
لابد وإن طال الزمن
من ~ رجوعي ~
=====================
سمعت باليتيم الي قدام عينه تموت أمه
يناظر ولايقدر
يبرر دمعة الشفقان..
يصرخ ! خذي روحي بس خليك يايمه
..وتموت..
ويعاني من الذكرى ألم وأحزان..
كأن احساسي احساسه وماهمني همه
هو القدر أخذ أمه
" وانا فاقد أعز انسان"
===================
أنا الذي من شوف الأحباب محروم
والله يكافي شر زلات الأقدام
قبل أمس مع ربعي سواليف وعلوم
واليوم طاويني هواجيس وهيام
أضحك ضحى قبل أمس وأبكي ضحى اليوم
ياسرع دورات الليالي والأيام
=======================
صارحيني منهو انا في دنيتك
جاوبيني ان كنت فعلا منيتك
ما كنت ارضى تزعلين
وانت بتهديني الزعل
ما اطيق عني تبعدين
في قربي حسيت بملل
محروم عيني شوفتك لا تحرميني كلمتك
========================
صحيح أنا من بد الناس
مغليــــك
وحبك بقلبي..
عالي في مقامه
ترى غلاك أما حفظته
يخليــــك
أحفظ غلاك أرجوك
قبل انعدامه
شخصيتك لاتنعدم مع..
مباديـــك
غيرك يخطط لك!!
وتتبع نظامه
أقولها وإن كان
خاب الرجاء
فـيــــك
كلن له الله...
((ما تقوم القيامه))